
முட்டை பற்றிய நீண்டநாள் சர்ச்சைக்கு அறிவியல் ரீதியான பதில் இதோ!
முட்டை சைவமா அல்லது அசைவமா? என்பது நீண்ட காலமாக விவாதிக்கப்பட்டு வரும் கேள்விகளில் ஒன்றாகும்.
இதற்கு ஒரே ஒரு பொதுவான பதில் இல்லை. அது அறிவியல் வரையறை, உணவுப் பழக்கம் மற்றும் கலாச்சார நம்பிக்கைகளைப் பொறுத்து மாறுபடுகிறது.
அறிவியல் ரீதியாகப் பார்க்கும்போது, வணிக ரீதியில் விற்பனை செய்யப்படும் பெரும்பாலான கோழி முட்டைகள் கருவுறாத (Unfertilized) முட்டைகள் ஆகும்.

அதாவது, அவற்றிலிருந்து குஞ்சுகள் உருவாகாது. இதனால், சிலர் அவற்றை உயிர் உருவாகாததால் ‘சைவ முட்டை’ என்று கருதுகின்றனர்.
அதேவேளை, சேவலுடன் இணைந்த பிறகு உருவாகும் கருவுற்ற (Fertilized) முட்டைகள் குஞ்சு உருவாகும் திறன் கொண்டவை. இவை அறிவியல் அடிப்படையில் வேறுபட்டதாகக் கருதப்படுகின்றன.
இருப்பினும், இந்தியாவில் மற்றும் பல நாடுகளில், முட்டை பொதுவாக அசைவ உணவாகவே வகைப்படுத்தப்படுகிறது.
அதே சமயம், Ovo-vegetarian எனப்படும் சில சைவ உணவுப் பழக்கத்தைப் பின்பற்றுபவர்கள், இறைச்சி மற்றும் மீனைத் தவிர்த்து முட்டையை மட்டும் உணவில் சேர்த்துக்கொள்கின்றனர்.




