க.பொ.த சாதாரண பரீட்சை - வெளியான முக்கிய அறிவிப்பு

2025 (2026) பொது கல்வி சாதாரண தர (O/L) பரீட்சைக்கான ஆன்லைன் விண்ணப்பங்களை சமர்ப்பிக்கும் கால அவகாசம் அக்டோபர் 9 ஆம் திகதி நள்ளிரவு 12 மணி வரை மட்டுமே செல்லுபடியாகும் என பரீட்சைகள் திணைக்களம் அறிவித்துள்ளது.

அந்த தேதிக்கு பிறகு ஆன்லைன் விண்ணப்ப முறை செயலிழக்கப்படும் என்றும், எந்த சூழ்நிலையிலும் விண்ணப்பக் காலக்கெடு நீட்டிக்கப்படாது என்றும் திணைக்களம் தெளிவுபடுத்தியுள்ளது.

எனவே, பரீட்சார்த்திகள் தங்களின் விண்ணப்பங்களை காலக்கெடு முடிவதற்கு முன் சமர்ப்பிக்க வேண்டும் என வலியுறுத்தப்பட்டுள்ளது.

வரும் O/L பரீட்சைக்கான ஆன்லைன் விண்ணப்பங்கள் செப்டம்பர் 18 ஆம் தேதி முதல் ஏற்றுக்கொள்ளப்பட்டு வருகின்றன.

மேலும் தகவல்களுக்கு பரீட்சைகள் திணைக்களத்தை 0112-784208, 0112-784537 அல்லது 0112-785922 என்ற தொலைபேசி எண்களில் தொடர்புகொள்ளலாம். 0112-784422 என்ற ஃபாக்ஸ் எண்ணிலும், [email protected] என்ற மின்னஞ்சல் மூலமும் விசாரிக்கலாம் என அறிவுறுத்தப்பட்டுள்ளது.