அவகாடோவின் ஆரோக்கிய ரகசியங்கள்

அவகாடோ பழம் உலகம் முழுவதும் அதிக தேவையுள்ள ஆரோக்கிய உணவுகளில் ஒன்றாக கருதப்படுகிறது. பொதுவாக குளிர்ச்சியான உணவாகக் கருதப்பட்டாலும், அதில் உள்ள மறைந்துள்ள நன்மைகள் மனித உடலுக்கு ஆச்சரியமான பலன்களை வழங்குகின்றன.

பலர் அவகாடோ சாப்பிட்டால் எடை அதிகரிக்கும் என தவிர்க்கிறார்கள். ஆனால் உண்மையில் அது உடல்நலத்திற்கு மிகவும் பயனுள்ளதாகும்.

அவகாடோவில் உடலுக்குத் தேவையான முக்கிய சத்துக்கள் அதிக அளவில் உள்ளன. குறிப்பாக விட்டமின் K (26%), ஃபோலேட் (20%), விட்டமின் C (17%), பொட்டாசியம் (14%), விட்டமின் B6 (13%) மற்றும் விட்டமின் E (10%) போன்றவை அடங்கியுள்ளன.

தோல் மற்றும் முடிக்கு சிறந்த உணவு

அவகாடோவின் முக்கியமான பயன் தோல் மற்றும் முடிக்கு கிடைக்கும் ஆரோக்கியம். தினசரி அவகாடோ சாப்பிடுவதால் புதிய, பிரகாசமான தோல், ஒளிவீசும் கண்கள் மற்றும் நல்ல நிறம் கிடைக்கும்.

இதயம் மற்றும் இரத்த ஓட்டம்

அவகாடோவில் உள்ள பொட்டாசியம் இரத்த அழுத்தத்தை கட்டுப்படுத்துகிறது. அதில் உள்ள ஒற்றைத் திடப்படாத கொழுப்பு, நல்ல கொழுப்பை (HDL) அதிகரிக்க உதவுகிறது. இதன் மூலம் இதய நோய் அபாயம் குறைக்கப்படுகிறது.

செரிமானம் மற்றும் எடை கட்டுப்பாடு

அவகாடோவில் உள்ள நார்ச்சத்து குடல் இயக்கத்தை சீராக்குகிறது. குடல் புண்கள் மற்றும் வயிற்றுக் கோளாறுகளையும் சரி செய்ய உதவுகிறது. ஒரு அவகாடோவில் சுமார் 160 கலோரி மட்டுமே உள்ளதால், உணவுக்கு முன்பு சாப்பிட்டால் தேவையற்ற உணவு விருப்பம் குறைகிறது.

தினசரி உணவில் சேர்க்க வேண்டிய பழம்

ஒவ்வொரு காலையிலும் சர்க்கரை இல்லாத அவகாடோ சாப்பிட்டால் உடலுக்கு பெரும் பலன் கிடைக்கும். உலகின் பல பிரபல ஹோட்டல்களிலும் அவகாடோ பட்டர் சாண்ட்விச் பிரபலமாக உள்ளது.

அவகாடோவில் உள்ள ஆன்டி-ஆக்ஸிடென்ட் சேர்மங்கள் கண்களுக்கு பிரகாசத்தையும் ஆரோக்கியத்தையும் அளிக்கின்றன. எனவே, உடல் நலத்திற்கும் அழகிற்கும் அவகாடோவை தினசரி உணவில் சேர்த்துக்கொள்வது மிகவும் அவசியம்.