பல மாவட்டங்களுக்கு கடும் மின்னல் எச்சரிக்கை வெளியீடு!

இலங்கை வானிலை திணைக்களம் இன்று பல மாகாணங்களிலும் மாவட்டங்களிலும் கடும் மின்னல் ஏற்படும் அபாயம் இருப்பதாக ‘ஆம்பர்’ நிலை எச்சரிக்கை ஒன்றை வெளியிட்டுள்ளது.

அதன்படி, வடக்கு, வட மத்திய, கிழக்கு, ஊவா மற்றும் வடமேல் மாகாணங்கள் உட்பட மாத்தளை மாவட்டத்திலும் பல இடங்களில் கடும் மழையுடன் கூடிய மின்னல் ஏற்படும் வாய்ப்பு உள்ளதாக வானிலை திணைக்களம் தெரிவித்துள்ளது.

மேலும், இடியுடன் கூடிய மழையின் போது திடீரென வலுவான காற்று வீசும் அபாயமும் இருப்பதாக எச்சரிக்கப்பட்டுள்ளது. இதனிடையே பொதுமக்கள் மின்னலால் ஏற்படும் சேதங்களை தவிர்க்க தேவையான முன்னெச்சரிக்கை நடவடிக்கைகளை மேற்கொள்ளுமாறு கேட்டுக்கொள்ளப்பட்டுள்ளனர்.

அதேபோல், மின்னல் நிகழும் நேரங்களில் வெளிநிலங்களில் இருப்பதைத் தவிர்க்கவும், வீடுகளுக்குள் பாதுகாப்பாக இருக்கவும், குறிப்பாக நெற்பயிர் நிலங்கள், தேயிலைத் தோட்டங்கள் மற்றும் நீர்நிலைகள் போன்ற திறந்த வெளிப் பகுதிகளில் செல்ல வேண்டாம் என்றும் அறிவுறுத்தப்பட்டுள்ளது.

மேலும், இடியுடன் கூடிய மழையின் போது வயருடன் இணைக்கப்பட்ட தொலைபேசிகள் மற்றும் மின்சாதனங்களைப் பயன்படுத்த வேண்டாம் எனவும் வலியுறுத்தப்பட்டுள்ளது.

அவசரநிலைகளில் உதவி தேவைப்படின், பொதுமக்கள் தங்களது உள்ளூர் பேரிடர் மேலாண்மை அதிகாரிகளுடன் உடனடியாக தொடர்புகொள்ளுமாறும் வானிலை திணைக்களம் கேட்டுக்கொண்டுள்ளது.