ஆப்பிள் iOS 26 – புதிய Liquid Glass தோற்றம்

ஆப்பிள் நிறுவனம் தனது iPhone மற்றும் பிற சாதனங்களுக்கான புதிய சாப்ட்வேர்களை நேற்று அதிகாரப்பூர்வமாக வெளியிட்டுள்ளது.

iPhone க்கு iOS 26, மேலும் Mac, iPad, TV, Watch போன்ற அனைத்திற்கும் புதிய ஆபரேட்டிங் சிஸ்டங்கள் தற்போது பதிவிறக்கத்திற்கு தயாராக உள்ளன.

இந்த முறை அனைத்துப் பிளாட்ஃபாரங்களுக்கும் ஒரே பதிப்பு எண் வழங்கப்பட்டுள்ளது. இது வெளியிடப்படும் ஆண்டை அடிப்படையாகக் கொண்டு பெயரிடும் புதிய நடைமுறையுடன் இணங்கிறது.

புதுப்பிப்பில் மிகப்பெரிய மாற்றமாக “Liquid Glass” எனப்படும் புதிய தோற்ற வடிவமைப்பு அறிமுகமாகியுள்ளது. இது ஹோம் ஸ்கிரீனில் காணப்படும் ஆப்ஸ் ஐகான்கள் முதல் அறிவிப்புகள் காட்டப்படும் விதம் வரை அனைத்திலும் வெளிப்படையாகக் காணப்படுகிறது. சில ஆப்ஸ்களும் இந்த வடிவமைப்பை பிரதிபலிக்கும் வகையில் புதுப்பிக்கப்பட்டுள்ளன.

இந்த புதிய தோற்றம், ஆப்பிள் சாதனங்களை “கண்ணாடி துண்டு” போலக் காணச் செய்வதே நோக்கமாகக் கொண்டுள்ளது. அறிவிப்புகள், லேபிள்கள், மெனுக்கள் அனைத்தும் அரைத் தெளிவான கண்ணாடி விளைவுடன் தோன்றி, பயனர்களின் உள்ளடக்க பார்வைக்கு தடையாக இருக்காமல் வடிவமைக்கப்பட்டுள்ளன.

எனினும், இந்த வடிவமைப்பு குறித்து கோடைகாலத்தில் நடந்த பீட்டா சோதனைகளில் பல விமர்சனங்கள் எழுந்துள்ளன.

சிலர் அதன் தோற்றம் குறித்து எதிர்ப்பு தெரிவித்ததுடன், சில டெவலப்பர்கள் இந்த சாப்ட்வேர் இன்னும் முழுமையாக தயார் நிலையில் இல்லை என்றும், அது அவர்களின் ஆப்ஸ்களில் பிரச்சனைகளை ஏற்படுத்தியுள்ளதாகவும் கூறியுள்ளனர்.

புதிய வடிவமைப்பைத் தவிர, பல புதிய அம்சங்களும் இணைக்கப்பட்டுள்ளன. உதாரணமாக, புதிய ஃபோன் ஆப் சந்தேகப்படும் மோசடி அழைப்புகளை தானாகவே எதிர்கொள்ளும் வசதியைக் கொண்டுள்ளது.

அதேசமயம், தானியங்கி மொழிபெயர்ப்பு மற்றும் பயணிகள் செல்ல வேண்டிய இடங்களை பரிந்துரைக்கும் நுண்ணறிவு அம்சங்களும் சேர்க்கப்பட்டுள்ளன.

புதிய iOS 26 மற்றும் பிற ஆபரேட்டிங் சிஸ்டங்கள் தற்போது அனைத்து ஆப்பிள் சாதனங்களிலும் கிடைக்கின்றன. பயனர்கள் Settings > Software Update என்ற வழியில் சென்று உடனடியாக பதிவிறக்கம் செய்யலாம்.