விசா செயல்முறையை எளிதாக்கும் வாய்ப்பு - ஆஸ்திரேலியா

ஆஸ்திரேலிய உள்துறை அமைச்சகம் (Department of Home Affairs) சமீபத்தில் மாணவர் விசா விண்ணப்பங்களுக்கான ஆதார (Evidence) நிலைகளை புதுப்பித்துள்ளது. இந்த தகவல் PRISMS (Provider Registration and International Student Management System) மூலம் கல்வி நிறுவனங்களுக்கு அறிவிக்கப்பட்டுள்ளது.

இவை அதிகாரப்பூர்வமாக வெளியிடப்படாதாலும், மாணவர் விசா விண்ணப்பங்களுக்கான ஆவணத் தேவைகளை மதிப்பிடும் போது உள்துறை அமைச்சகம் இதையே அடிப்படையாகக் கொள்கிறது.

நாடுகளின் தற்போதைய ஆதார நிலைகள்

சமீபத்திய தகவல்களின் அடிப்படையில், நாடுகள் பின்வருமாறு பிரிக்கப்பட்டுள்ளன:

• Level 1 (குறைந்த ஆபத்து): பங்களாதேஷ், இலங்கை

• Level 2 (மிதமான ஆபத்து): இந்தியா, பூட்டான், வியட்நாம், சீனா, நேபாளம்

• Level 3 (அதிக ஆபத்து): பிஜி, பிலிப்பைன்ஸ், பாகிஸ்தான்
  
  

இந்த ஆதார நிலைகள், கடந்த கால மாணவர் விசா பின்பற்றல் (compliance) மற்றும் குடியேற்ற முடிவுகள் போன்ற தரவுகளின் அடிப்படையில் நிர்ணயிக்கப்படுகின்றன.

ஆதார நிலைகள் எவ்வாறு செயல்படுகின்றன?

மாணவர் விசா விண்ணப்பத்தை மதிப்பிடும் போது, இரண்டு முக்கிய அம்சங்கள் பார்க்கப்படுகின்றன:

1. கல்வி நிறுவனம் (Provider Evidence Level):
   
   

   • Level 1: குறைந்த ஆபத்து – மிகக் குறைந்த ஆவணங்கள் போதுமானது.

   • Level 2: மிதமான ஆபத்து – நாட்டைப் பொறுத்து கூடுதல் ஆவணங்கள் கேட்கப்படலாம்.

   • Level 3: அதிக ஆபத்து – கடுமையான ஆவணத் தேவைகள், அதிக பரிசீலனை.
     
     

2. நாட்டு ஆதார நிலை (Country Evidence Level):
   
   

   • விசா ரத்து மற்றும் நிராகரிப்பு விகிதம்

   • காலாவதியானபின் நாட்டை விட்டு செல்லாமல் தங்கியவர்கள்

   • மாணவர்களால் பாதுகாப்பு விசா விண்ணப்பங்கள்

   • போலியான ஆவணங்களால் ஏற்பட்ட நிராகரிப்புகள் (மிகவும் முக்கியமாகக் கருதப்படும்)
     
     

இரண்டின் இணைவு

மாணவர் விண்ணப்பத்தை பரிசீலிக்கும் போது, நாட்டு நிலையும், கல்வி நிறுவனம் நிலையும் சேர்த்து கணக்கிடப்படுகிறது:

• Level 1 நாடு + Level 1 நிறுவனம்: மிக எளிமையான செயல்முறை, குறைந்த ஆவணத் தேவை.

• Level 1 நிறுவனம் + Level 3 நாடு: கூடுதல் ஆவணங்கள் (பொருளாதார நிலை, ஆங்கிலத் திறன்) கேட்கப்படலாம்.

• Level 3 நாடு + Level 3 நிறுவனம்: மிகக் கடுமையான பரிசீலனை, தாமதம் அல்லது நிராகரிப்பு சாத்தியம் அதிகம்.
  
  

இதன் முக்கியத்துவம்

இலங்கை தற்போது Level 1 நாட்டில் சேர்க்கப்பட்டுள்ளதால், இலங்கை மாணவர்கள் ஆஸ்திரேலிய மாணவர் விசா விண்ணப்பிக்கும் போது முந்தையதை விட எளிய செயல்முறையைக் காணக்கூடும். குறைந்த ஆவணங்களுடன், வேகமான விசா அனுமதி பெற வாய்ப்பு அதிகம்.

இது ஆஸ்திரேலியாவின் சர்வதேச கல்வி துறையை பாதுகாப்புடன் முன்னேற்றும் நோக்கில் எடுக்கப்பட்ட முடிவு. உண்மையான மாணவர்களுக்கு தடையாக இல்லாமல், ஆபத்தான சூழல்களில் அதிக கவனம் செலுத்தும் வகையில் இந்த முறை வடிவமைக்கப்பட்டுள்ளது.