பிக்பாஸ் பவித்ராவிற்கு தொழிலதிபருடன் நிச்சயதார்த்தம்

இந்தி டெலிவிஷன் உலகில் பிரபலமான நடிகை பவித்ரா பூனியா, தற்போது தனது நிச்சயதார்த்த புகைப்படங்களை வெளியிட்டு ரசிகர்களை ஆச்சரியத்தில் ஆழ்த்தியுள்ளார். பவித்ரா, பல வெற்றிகரமான டிவி தொடர்களில் நடித்ததுடன், “பிக்பாஸ் ஹிந்தி சீசன் 14” நிகழ்ச்சியின் மூலம் பெரும் புகழ் பெற்றார்.

அந்த நிகழ்ச்சியின் போது பவித்ரா மற்றும் நடிகர் எஜாஸ் கான் இடையே காதல் மலர்ந்தது. இருவரும் நிகழ்ச்சிக்குப் பின் சில ஆண்டுகள் உறவில் இருந்தனர். ரசிகர்கள் இருவரின் புகைப்படங்களையும், சமூக வலைதளப் பதிவுகளையும் ஆர்வத்துடன் பின்தொடர்ந்தனர். ஆனால், கடந்த ஆண்டு செப்டம்பர் மாதத்தில் இருவரும் பிரிவை அறிவித்தனர்.

இப்போது, சில மாதங்களுக்குப் பிறகு பவித்ரா தனது நிச்சயதார்த்த புகைப்படங்களை இன்ஸ்டாகிராமில் வெளியிட்டுள்ளார். அவரின் வாழ்க்கை துணை அமெரிக்காவில் வசிக்கும் தொழிலதிபர் என தகவல்கள் தெரிவிக்கின்றன. இருவரும் தீபாவளியை ஒன்றாகக் கொண்டாடிய புகைப்படங்கள் தற்போது இணையத்தில் வைரலாகி வருகின்றன.

பவித்ரா கூறியதாவது, “என் வாழ்க்கையில் அமைதியும் சமநிலையும் தேவைப்பட்டது. அவர் அதை எனக்கு அளித்தார். இந்த உறவு எனக்கு புதிய தொடக்கம்,” என தெரிவித்துள்ளார்.

பவித்ரா பூனியாவின் நிச்சயதார்த்தம் தற்போது பாலிவுட் மற்றும் டிவி ரசிகர்கள் மத்தியில் பெரும் பேச்சாக மாறியுள்ளது.