திவாகர் மீது குற்றச்சாட்டு - பிக்பாஸ் வீட்டில் கலவரம்

விஜய் டிவியில் ஒளிபரப்பாகும் பிக்பாஸ் தமிழ் சீசன் 9 தற்போது ரசிகர்களின் முழு கவனத்தையும் ஈர்த்துக் கொண்டிருக்கிறது.

இந்த சீசனில் வாட்டர்மெலன் ஸ்டார் திவாகர், வி.ஜே பார்வதி, ரம்யா ஜோ, விக்ரம் உள்ளிட்ட பலரும் கலந்து கொண்டுள்ளனர். ஆனால் தொடக்கம் முதலே திவாகரை குறிவைத்து வீட்டுக்குள் பல பிரச்சினைகள் எழுந்துள்ளன.

முதலாவது வாரத்திலேயே ‘குறட்டை பிரச்சனை’ மூலம் திவாகர் சர்ச்சைக்கு உள்ளானார். அதன் பின்னர் “ஒரு நாள் கூத்து” என்று சிலர் விமர்சனம் செய்தது அவரை பெரிதும் வருத்தமடைய வைத்தது.

மேலும், சில போட்டியாளர்களுடன் ஏற்பட்ட வாய்த்தகராறுகள் பிக்பாஸ் ரசிகர்களிடையே பெரும் பேசுபொருளாக மாறியுள்ளது.

சமீபத்திய எபிசோடில் திவாகர் மீது பலரும் இணைந்து குற்றச்சாட்டு எழுப்பினர். இதனால் மன அழுத்தத்துடன் பிக்பாஸ் கேமரா முன் நின்று தன் மன வேதனையை வெளிப்படுத்தினார். “என்னை மட்டும் எல்லோரும் டார்கெட் செய்கிறார்கள். தவறு செய்தவர்களை விட்டு விடுகிறார்கள்.

நான்தான் எப்போதும் குறியாகிறேன்,” என துவங்கிய திவாகர், “பிக்பாஸ் தீர்ப்பே இறுதி என்று நம்புகிறேன். ஆனால், ஒவ்வொரு விஷயத்திலும் என்னை மட்டும் சோதிக்கிறார்கள் என்பதில் வலி இருக்கிறது,” எனக் கூறினார்.

அவர் மேலும், “வீட்டுக்குள் எனக்கு பிடித்த சிலரிடம் நான் மனம் திறந்து பேசும்போதும் சிலர் வந்து வேண்டுமென்றே கிண்டல் செய்கிறார்கள். என் உணர்ச்சிகளை மதிக்காமல் நடக்கிறார்கள். இதை யாரும் புரிந்துகொள்ளவில்லை. பார்வதி மாதிரி சிலர்தான் என்னை உண்மையாக புரிந்துகொள்கிறார்கள்,” என்று உணர்ச்சிபூர்வமாக கூறினார்.

இந்த வீடியோ சமூக வலைதளங்களில் வேகமாக பரவி வருகிறது. ரசிகர்கள் பலரும் திவாகருக்கு ஆதரவாக கருத்துகள் பதிவு செய்து வருகின்றனர். சிலர் “திவாகர் உண்மையாக பேசுகிறார், அவர் மீது அநியாயம் நடக்கிறது” என கூற, மற்றொரு தரப்பு “பிக்பாஸ் வீடு ஒரு கேம் தான், உணர்ச்சியால் வெல்ல முடியாது” என வாதிடுகின்றனர்.

தற்போது, திவாகர் வீட்டுக்குள் இருக்கும் நிலைமை எப்படி மாறப் போகிறது என்பது ரசிகர்களுக்கு பெரும் ஆவலாக மாறியுள்ளது. பிக்பாஸ் 9 நிகழ்ச்சி தொடர்ந்தும் பரபரப்பை கூட்டி வருகிறது.