பிக்பாஸ் 9-ல் ஆதிரை வெளியேறிய காரணம் வெளிச்சம்

பிக்பாஸ் தமிழ் சீசன் 9 நிகழ்ச்சி தற்போது ரசிகர்களிடையே பரபரப்பாக பேசப்பட்டு வருகிறது. ஒவ்வொரு வாரமும் புதிய சண்டைகள், நெருக்கடிகள், டாஸ்க் சம்பவங்கள் என நிகழ்ச்சி சூடேற்றம் அடைந்துள்ளது.

இதன் மத்தியில் கடந்த வாரம் போட்டியாளரான ஆதிரை நிகழ்ச்சியில் இருந்து வெளியேறியிருப்பது ரசிகர்களுக்கு அதிர்ச்சியாக அமைந்தது.

நிகழ்ச்சியில் தனது ஆட்டத்தால் சிலரின் பாராட்டையும், சிலரின் விமர்சனத்தையும் பெற்ற ஆதிரை, வெளியே வந்த பிறகு அளித்த பேட்டியில் தன் மனநிலையை வெளிப்படுத்தியுள்ளார்.

“நான் வெளியேற வேண்டிய நிலை இல்லை. என்னைவிட குறைவாக விளையாடிய பலர் இன்னும் வீட்டுக்குள் இருக்கிறார்கள். ஆனால் மக்களின் முடிவை மதிக்கிறேன்” என்று அவர் கூறினார்.

தன்னை வெளியேறச் செய்த முக்கிய காரணத்தைப் பற்றி ஆதிரை விளக்கும்போது, “ஜூஸ் டாஸ்கில் நடந்த சம்பவம் தான் பெரிதாக மாறியது. அப்போது நான் உணர்ச்சிவசப்பட்டு நடந்துகொண்டேன்.

வினோத் அண்ணாவிடம் நடந்த விதம் மக்களுக்கு தவறாக தோன்றியிருக்கலாம். ஆனால் அந்த நிலைமையில் நான் செய்தது சரிதான் என்று எனக்குத் தோன்றுகிறது” எனத் தெரிவித்தார்.

அவரை நேர்காணல் செய்த ஜாக்குலின், “உங்களுக்குள் யார் நினைவில் வருகிறார்கள்?” என்ற கேள்விக்கு பல தலைப்புகளை முன்வைத்தார். அதற்கு ஆதிரை சிரித்தபடி, “நடிப்பு என்றால் விஜே பாரு, விஷம் என்றால் கம்ருதின், மிக்சர் என்றால் கலையரசன், அன்பு பாசம் என்றால் கனி, நாட்டாமை என்றால் சபரி” என்று பதிலளித்தார்.

மேலும் டாப் 5 போட்டியாளர்கள் யார் என்று கேட்டபோது, “எஃப் ஜே, கனி, சபரி, கெமி, சுபிக்‌ஷா” என்றார். நிகழ்ச்சியில் இருந்து வெளியேறியதற்கு பிறகும், ரசிகர்கள் மத்தியில் தனது நேர்மையான பேச்சு காரணமாக ஆதிரைக்கு நல்ல வரவேற்பு கிடைத்துள்ளது. தற்போது அவரது பேட்டி சமூக ஊடகங்களில் வைரலாகி வருகிறது.