போலி ஆடிசன் தளத்தில் ஏமாந்த நடிகை!

பாலிவுட் நடிகை அனீத் படா தனது சினிமா பயணத்தில் சந்தித்த அதிர்ச்சி அனுபவத்தை வெளிப்படையாக பகிர்ந்துள்ளார். நடிகையாக மாறும் ஆர்வத்தால் பல போலி இணையதளங்களுக்கு வீடியோக்கள் அனுப்பி ஏமாந்ததாகவும், பின்னர் அதிலிருந்து கற்றுக்கொண்ட பாடமே இன்று தன்னை வெற்றி நிலைக்கு கொண்டு வந்ததாகவும் கூறியுள்ளார்.

பஞ்சாபை சேர்ந்த இளம் நடிகையான அனீத், சிறு வயதிலேயே சினிமாவை கனவாகக் கண்டவர். தனது திறமையை வெளிப்படுத்த பல முயற்சிகளையும் செய்த அவர், கொரோனா காலத்தில் ஆன்லைன் ஆடிசன்களில் கலந்துகொண்டபோது மோசடி குழுக்களின் கண்ணில் சிக்கியதாக தெரிவித்துள்ளார்.

“பல தளங்கள் நடிகர், நடிகையரை தேடுவதாகக் கூறி வீடியோ அனுப்புமாறு கேட்டன. நான் அவற்றில் நம்பிக்கை வைத்து வீடியோக்களை அனுப்பினேன். பின்னர் அவை போலி தளங்கள் என்பதை உணர்ந்தபோது அதிர்ச்சியடைந்தேன்,” என்று அனீத் கூறியுள்ளார்.

ஆனாலும் அந்த அனுபவம் தான் தன்னை இன்னும் உறுதியானவளாக மாற்றியதாகவும், உண்மையான வாய்ப்புகளை அடைய முயற்சி செய்ய வைத்ததாகவும் தெரிவித்துள்ளார்.

பின்னர் பல முயற்சிகளின் பின்னர், பிரபல இயக்குநர் மோஹித் சூரி இயக்கிய ‘சையாரா’ படத்தின் மூலம் பாலிவுட்டில் பிரபலமானார். அந்த படம் வெளியான பின், உலகளாவிய அளவில் பெரும் வரவேற்பை பெற்றது.

நடிகை அனீத்தின் அனுபவம் பல இளம் நடிகை, நடிகர்களுக்கு ஒரு பாடமாக அமைந்துள்ளது. சினிமா உலகுக்குள் நுழைவதற்காக ஆர்வமாக முயற்சி செய்யும் இளம் தலைமுறையினர், போலி ஆடிசன் தளங்களில் விழாமல் எச்சரிக்கையாக இருக்க வேண்டும் என்ற செய்தியை அவர் வலியுறுத்தியுள்ளார்.

சினிமா உலகின் வெளிச்சத்தில் வெற்றி பெற்றாலும், அதன் நிழலில் பலர் எதிர்கொள்ளும் சோதனைகளை அனீத்தின் இந்த வெளிப்பாடு மீண்டும் வெளிச்சத்துக்கு கொண்டு வந்துள்ளது. “ஒவ்வொரு தோல்வியும் ஒரு பாடமாக மாறும்; அதனை நம்பிக்கையாக எடுத்துக்கொண்டால் வெற்றி நிச்சயம்,” என நடிகை கூறியுள்ளார்.