வாரத்திற்கு 3 முறை ஜிம்முக்கு போனால் போதுமா?

பலரும் எடை குறைக்க நினைக்கும் போது தினமும் ஜிம்முக்கு செல்வது தான் ஒரே வழி என்று நம்புகிறார்கள். ஆனால் உண்மையில் வாரத்திற்கு 3 முறை மட்டுமே ஜிம்முக்கு சென்றாலும் நல்ல பலனை பெற முடியுமா என்ற கேள்வி எழுகிறது.

நிபுணர்களின் கருத்துப்படி, எடை குறைக்கும் செயல்முறையில் முக்கிய பங்காற்றுவது உடற்பயிற்சியின் அடிக்கடி செய்வது மட்டுமல்ல, அதை எப்படிச் செய்கிறோம், உணவில் எவ்வளவு கட்டுப்பாடு இருக்கிறது என்பதும் தான்.

ஒரு வாரத்தில் 3 நாட்கள் தொடர்ந்து 45 நிமிடம் முதல் 1 மணி நேரம் வரை பயிற்சி செய்தால் உடலில் கலோரி எரிதல் அதிகரிக்கும்.

குறிப்பாக கார்டியோ (Cardio), வெயிட் ட்ரெய்னிங் (Weight Training), HIIT போன்ற பயிற்சிகள் ஒன்றாக சேர்த்து செய்தால் கொழுப்பு எரியும் வேகம் அதிகரிக்கும்.

அதே நேரத்தில் ஓய்வு நாட்களில் உடல் தசைகள் மீண்டும் சக்தி பெறும், இதனால் தசை வளர்ச்சி அதிகரித்து கொழுப்பை எரிக்கும் திறனும் மேம்படும்.

ஆனால் ஜிம்முக்கு செல்வது மட்டுமே போதாது. உணவில் சத்தான புரதம், காய்கறிகள், குறைந்த கார்போஹைட்ரேட் மற்றும் போதிய அளவு தண்ணீர் உட்கொள்வதும் அவசியம்.

சர்க்கரை மற்றும் எண்ணெய் அதிகம் உள்ள உணவுகளை தவிர்க்காமல் ஜிம்மில் எவ்வளவு கடினமாகப் பயிற்சி செய்தாலும் எடை குறைவது சாத்தியமில்லை.

முடிவாகச் சொல்வதானால், தினமும் ஜிம்மில் உழைக்க வேண்டிய அவசியமில்லை. வாரத்திற்கு 3 நாட்கள் மட்டும் கட்டுப்பாடான பயிற்சியுடன், ஆரோக்கியமான உணவு பழக்கங்களையும் சேர்த்தால் எடை குறைக்க முடியும்.

அதற்கேற்றவாறு வாழ்க்கை முறை மாற்றங்களை கடைபிடிப்பதே நீண்டநாள் பலனை தரும்.