குழந்தை பெற்றெடுக்கும் ரோபோ - சீன விஞ்ஞானிகளின் அதிரடி

சீன விஞ்ஞானிகள் உலகில் முதன்முறையாக “கர்ப்ப ரோபோ” ஒன்றை உருவாக்கியுள்ளனர்.

குழந்தை பெற்றெடுக்கும் ரோபோ

இந்த கண்டுபிடிப்பு உலகளவில் பெரும் அதிர்வலை ஏற்படுத்தியுள்ளது. சாதாரணமாக குழந்தை பெற்றெடுப்பது இயற்கையான முறையில் நடக்கும்.

ஆனால், மருத்துவ சிக்கல்களால் கர்ப்பம் தரிக்க முடியாத பெண்கள் பலர் சரோகேசி (Surrogacy) முறையைத் தேர்வு செய்கிறார்கள். இந்நிலையில், கர்ப்ப ரோபோவை பயன்படுத்தி குழந்தை வளர்ப்பது சாத்தியமா என்ற கேள்வி எழுந்துள்ளது.

இந்த கர்ப்ப ரோபோவில், மனித கருப்பை போல செயல்படும் செயற்கை கருப்பை அமைப்பு பொருத்தப்பட்டுள்ளது. அதில் உருப்படி (Embryo) வைத்து, குழந்தை வளரும் சூழ்நிலை முழுவதையும் தொழில்நுட்ப முறையில் கட்டுப்படுத்த முடிகிறது.

குழந்தைக்கு தேவையான சத்துக்களையும், உடல்நிலை மாற்றங்களையும் கணினி வழியே கண்காணித்து, மனித உடலைப் போல் இயங்கும் வகையில் வடிவமைக்கப்பட்டுள்ளது.

சீன விஞ்ஞானிகள் கூறுவதாவது, இந்த ரோபோ மனித உடலை விட பாதுகாப்பான சூழலில் குழந்தையை வளர்க்க உதவும். கர்ப்ப காலத்தில் ஏற்படும் உடல் சிக்கல்கள், கரு சிதைவு, கர்ப்ப அழுத்தம் போன்ற பிரச்சனைகளைத் தவிர்க்கும் வாய்ப்பு இருப்பதாகவும் அவர்கள் தெரிவித்துள்ளனர்.

ஆனால், இதற்கு எதிர்ப்பு குரலும் அதிகமாக உள்ளது. “மனித கர்ப்பத்தை ரோபோ மாற்றுவது ஒழுக்க ரீதியாக சரியா?” என்ற கேள்வியை பல நிபுணர்கள் எழுப்பி வருகின்றனர். மேலும், குழந்தையின் உணர்ச்சி வளர்ச்சி, தாயுடன் உள்ள பிணைப்பு போன்றவை செயற்கை கருப்பில் சாத்தியமா என்ற சந்தேகமும் நிலவுகிறது.

மருத்துவ உலகில் இது ஒரு புரட்சிகரமான முன்னேற்றமாக இருந்தாலும், நடைமுறை வாழ்க்கையில் இதைப் பயன்படுத்துவதற்கு இன்னும் பல ஆண்டுகள் ஆராய்ச்சி தேவைப்படும்.

சட்ட ரீதியான சிக்கல்கள், சமூக பார்வை, மத நம்பிக்கைகள் போன்றவை இந்த தொழில்நுட்பத்தை ஏற்கும் முறையில் பெரிய தடையாக உள்ளன.

சீனாவின் கர்ப்ப ரோபோ மனிதர்களுக்கு எதிர்காலத்தில் புதிய மாற்றத்தை கொண்டு வரக்கூடும். ஆனால், இது உண்மையில் சரோகேசியை மாற்றுமா, அல்லது விஞ்ஞான அதிசயமாக மட்டுமே தங்குமா என்பதற்கு காலமே பதில் கூறும்.