கென்யாவின் பயமுறுத்தும் தீவு - விலகாத மர்மம் என்ன?

உலகில் இன்னும் முழுமையாக ஆராயப்படாத மர்மங்களுள் ஒன்றாக கருதப்படும் இடம் என்விடெனெட் தீவு, இது கென்யாவின் துர்கானா ஏரியின் தெற்குப் பகுதியில் அமைந்துள்ளது. பார்ப்பதற்கே அழகாகவும், இயற்கை எழிலால் சூழ்ந்தவையாகவும் உள்ள இந்த தீவுக்கு ஒரு பயங்கரமான பெயர் உள்ளது — “திரும்ப முடியாத இடம்”. ஏனெனில், இங்கு கால் வைத்தவர்கள் யாரும் மீண்டும் காணப்பட்டதில்லை என்பதே அதன் அடித்தளம்.

மர்மம் நிறைந்த கிராமத்தின் பிண்ணனி என்ன?

இந்த தீவின் மர்மம் சாதாரணமல்ல. 17-ம் நூற்றாண்டிலிருந்து இத்தீவை சுற்றிய கதைகள், அவதானிப்புகள், மரணங்கள், மாயங்கள் ஆகியவை அடுத்தடுத்த தலைமுறைகளில் பயங்கர அனுபவங்களைத் தவிர வேறு எதையும் விட்டுச்செல்லவில்லை.

பாறைமயமான நிலம், விஷ பாம்புகள், முதலைகள் மற்றும் மனிதரில்லா சூழல் – இவை அனைத்தும் அந்த இடத்தை ஒரு உயிரும் வாழ முடியாதவாறு மாற்றியுள்ளன.

உள்ளூர் பழங்குடியினர் நம்பும் கதைகளும் பயமுறுத்துகின்றன. விசித்திரமான ஒலிகள், நகரும் மரக்கிளைகள், கண் தெரியாத சக்திகள் போன்றவை, அங்கு வாழ்ந்தவர்களை ஒரு இரவில் முழுமையாக மாயமாக்கியுள்ளன.

இந்த மர்மத்தை அறிந்து கொள்ள முயன்ற பலர் – விஞ்ஞானிகள், பத்திரிகையாளர்கள், தேடுபார்வையாளர்கள் – எவரும் திரும்பவில்லை. அவர்களது முகாம்கள், கருவிகள், தடங்கள் எதுவும் காணப்படவில்லை.

இதனால் எல்-மோலோ பழங்குடி மக்கள் இந்த தீவை சபிக்கப்பட்டதாக கருதிக்கொண்டு அருகே செல்லவே மறுக்கின்றனர். இந்த தீவை முற்றிலும் தவிர்ப்பது மட்டுமின்றி, அதன் பெயரை சொல்வதற்கே பயப்படுகிறார்கள்.

நேர்காணல் செய்த சில விசாரிப்பாளர்கள் கூட இங்கு ஏற்பட்ட மர்மங்களை அறிவியல் ரீதியாக விளக்க முடியவில்லை என்பதுதான் மிகப்பெரிய சோகமான உண்மை.

எவ்வளவு ஆண்டுகள் கடந்தாலும், எத்தனை முயற்சிகள் செய்தாலும், என்விடெனெட் தீவின் மர்மம் இன்று வரை திறக்கப்படாத ஒரு மரணக்கூடு போலவே உள்ளது. மனிதர்களுக்கே உரித்தான அறிவு, நம்பிக்கைகள், நவீன சாதனங்கள் இத்தனை வளர்ந்தும், இந்த மர்ம தீவின் உண்மையை கண்டுபிடிக்க முடியாமல் போயிருப்பது மிகப்பெரிய கேள்விக்குறியே!