நீங்கள் செய்யும் பாவத்திற்கு யமலோகத்தில் தரும் தண்டனை

இந்துமதத்தின் முக்கிய புராணங்களில் ஒன்றான கருடபுராணம், மனிதனின் வாழ்வியல் நடத்தைகள், நற்பண்புகள், பாவங்களின் விளைவுகள் மற்றும் மரணத்திற்குப் பிந்தைய பயணத்தை விரிவாக விளக்குகிறது.

குறிப்பாக, ஒருவர் வாழ்நாளில் செய்த பாவங்களுக்கு எவ்வாறு யமலோகத்தில் தண்டனைகள் வழங்கப்படுகின்றன என்பதைக் கூறுவதில் கருடபுராணம் மிகுந்த முக்கியத்துவம் பெறுகிறது. இதனை விஷ்ணுவின் வாகனமான கருடன் கூறியதாக கருதப்படுகிறது.

கருடபுராணத்தின் படி, மனிதர்கள் வாழ்நாளில் செய்யும் ஒவ்வொரு தீச்செயலுக்கும் அவரவர் பாவத்துக்கு ஏற்ப தனித்தனி யமலோகங்களில் தண்டனைகள் அனுபவிக்க வேண்டும்.

சில முக்கிய பாவங்களும் அவற்றுக்கான தண்டனைகளும் பின்வருமாறு கூறப்பட்டுள்ளன.

கொலை செய்தவர்கள்

உயிரை பறித்தவர்கள் கடுமையான தண்டனை அனுபவிப்பார்கள். அவர்களை கொதிக்கும் எண்ணெயில் போட்டு வேகவைக்கப்படும். இது வாழ்நாளில் தன்னலம் காரணமாக பிறரை அழித்தவர்களுக்கு வழங்கப்படும் தண்டனையாகக் கருதப்படுகிறது.

திருடர்கள்

பிறருடைய சொத்துக்களை அபகரித்தவர்களுக்கு பாம்புகள் கடித்து கொடுமைப்படுத்தும் தண்டனை வழங்கப்படும். அவர்களின் ஆசை மற்றும் பேராசைக்கு இணையான வேதனைகள் அவர்கள் அனுபவிக்க வேண்டும்.

பொய் சொல்வோர்

நாவை இழுத்து வெட்டி கொடுமைப்படுத்துவார்கள். மனிதன் வாழ்க்கையில் உண்மை பேச வேண்டிய இடத்தில் பொய்களை பரப்பி துன்பம் விளைவித்தவர்களுக்கு இது தண்டனையாக வரும்.

அநியாய வியாபாரம் செய்பவர்கள்

வாடிக்கையாளர்களை ஏமாற்றிய வியாபாரிகள், இரும்பு கூர்மையான கருவிகளால் வெட்டப்படும் கொடுமையை அனுபவிக்க வேண்டும்.

பெண்களை அவமதித்தவர்கள்

பெண்களை துன்புறுத்தியவர்கள் பல யமலோகங்களில் கடுமையான தண்டனைகளுக்கு ஆளாகுவார்கள். அவர்கள் செய்த அவமானத்திற்கு இணையான வேதனை அவர்களைச் சூழ்ந்துகொள்ளும்.

கள்ளத் தொடர்பில் ஈடுபட்டவர்கள்

இவர்களுக்கு நெருப்பு, கல், இரும்பு போன்றவற்றால் அடிக்கப்பட்டு, உடல் முழுவதும் தாங்க முடியாத வலி தரப்படும்.

மதுபானம் மற்றும் போதைப் பொருள் உட்கொள்ளுபவர்கள்

இவர்களுக்கு யமலோகத்தில் மிகுந்த தாகம் ஏற்படும். ஆனால் தண்ணீர் கிடைக்காது, தாகத்தால் மிகுந்த வேதனை அனுபவிக்க வேண்டியிருக்கும்.

குருவை/முனிவரை அவமதித்தவர்கள்

தெய்வீக அறிவைப் புறக்கணித்து குருவை அவமதித்தவர்கள் எலும்பு நொறுங்கும் அளவுக்கு பல்வேறு கொடுமைகளுக்கு ஆளாவார்கள்.

விலங்குகளை துன்புறுத்துபவர்கள்

இவர்களை விலங்குகளே தாக்கும். அவர்கள் செய்த விலங்கு வதை தாமே தண்டனையாக அவர்களைச் சந்திக்கும்.

கருடபுராணம் கூறுவதன் மூலம், மனிதன் வாழ்வில் தவறுகளைத் தவிர்த்து நல்லொழுக்கம், கருணை, சத்தியம் மற்றும் பக்தியுடன் வாழ வேண்டும் என்பதே உண்மையான போதனையாக வெளிப்படுகிறது.

பாவங்கள் பாவிகளுக்கு துன்பங்களைத் தரும்; அதே நேரத்தில் தர்மம் மற்றும் நற்செயல்கள் செய்தவர்களுக்கு வைகுண்டம் என்ற விஷ்ணுவின் உலகம் கிடைக்கும் என்றும் கருடபுராணம் வலியுறுத்துகிறது.