Google Chrome-இல் AI Mode அறிமுகம்

Google தனது Search மற்றும் Chrome browser-இல் புதிய Artificial Intelligence (AI) அம்சங்களை அறிமுகப்படுத்தி, உலகளாவிய இணைய அனுபவத்தை அடுத்த கட்டத்திற்கு கொண்டு சென்றுள்ளது.

முதலில், Google AI Mode எனப்படும் புதிய வசதி, பயனர்கள் எளிய கேள்விகளுக்கு மட்டுமல்லாமல் சிக்கலான கேள்விகளுக்கும் AI உருவாக்கிய பதில்கள் வழங்குகிறது.

இதன் சிறப்பம்சம், தொடர்ந்து கேள்விகள் கேட்கவும், அதற்கான விளக்கங்களையும் உடனே பெறவும் முடிகிறது. இதற்காக Google-ன் சக்திவாய்ந்த Gemini 2.5 AI மாடல் பயன்படுத்தப்படுகிறது.

தற்போதைக்கு இது அமெரிக்காவில் Google Labs வழியாக சோதனைக்காக வழங்கப்படுகிறது.

இதற்கு இணையாக, Google Chrome browser-இலும் பல AI அம்சங்கள் சேர்க்கப்பட்டுள்ளன. Store Reviews எனப்படும் வசதி, ஆன்லைன் கடைகளின் நம்பகத்தன்மை குறித்து AI மூலம் சுருக்கமாக விளக்கமளிக்கிறது.

உதாரணமாக, TrustPilot, ScamAdvisor, Google Shopping போன்ற தளங்களின் மதிப்பீடுகளை AI ஒருங்கிணைத்து, அந்த கடையின் பொருள் தரம், விநியோக வேகம், வாடிக்கையாளர் அனுபவம் ஆகியவற்றை சுருக்கமாக காட்டுகிறது.

அதே நேரத்தில், Chrome-இல் நேரடியாக Gemini AI உதவியாளர் இணைக்கப்பட்டுள்ளது.

இதன் மூலம் இணையப் பக்கங்களை சுருக்கமாக வாசித்து தருவது, வீடியோக்களில் உள்ள பொருட்களை அடையாளம் காண்பது, சமையல் குறிப்புகள், பொருள் தேடல்கள் போன்றவற்றை புதிய டேப் திறக்காமல், நேரடியாக browser-இல் செய்ய முடிகிறது.

இந்த புதிய AI மாற்றங்கள், Google Search மற்றும் Chrome-ஐ சாதாரண தேடுபொறியாக அல்லாமல், நுண்ணறிவு அடிப்படையிலான முழுமையான டிஜிட்டல் உதவியாளராக மாற்றுகின்றன.

இணையத்தில் தகவல் தேடும் முறையைப் பெரிய அளவில் மாற்றும் இந்த முன்னேற்றம், எதிர்காலத்தில் AI சார்ந்த தனிப்பட்ட அனுபவங்களை அதிகரிக்கும் என்று நிபுணர்கள் கருதுகின்றனர்.