தினமும் பேரீச்சம்பழம் சாப்பிடுவதால் கிடைக்கும் நன்மைகள்

பழங்களின் உலகில் ஆரோக்கியத்திற்காக சிறப்பாக பரிந்துரைக்கப்படும் ஒன்று பேரீச்சம்பழம். சத்துக்கள் நிறைந்த இந்த பழம், உடலுக்கு தேவையான பல முக்கிய நார்ச்சத்துகள், விட்டமின்கள், கனிமச்சத்துகளை கொண்டுள்ளது.

தினமும் வெறும் இரண்டு பேரீச்சம்பழம் சாப்பிட்டாலே உடலுக்கு ஆச்சரியமான பல நன்மைகள் கிடைக்கும் என்று ஆய்வுகள் தெரிவிக்கின்றன.

பேரீச்சம்பழத்தில் அதிக அளவு இரும்புச் சத்து (Iron) உள்ளதால், அது ரத்தத்தில் ஹீமோகுளோபின் அளவைக் கூடுதலாக உயர்த்துகிறது.

குறிப்பாக, ரத்த சோகை (Anemia) பிரச்சனை கொண்டவர்களுக்கு பேரீச்சம்பழம் ஒரு இயற்கை மருந்தாகச் செயல்படுகிறது.

மேலும், இதில் உள்ள இயற்கையான சர்க்கரை உடலுக்கு உடனடி சக்தியை வழங்குகிறது. உடற்பயிற்சி செய்வோர் அல்லது வேலைப்பளுவில் அதிகமாக சோர்வடைவோர், தினமும் இரண்டு பேரீச்சம்பழம் சாப்பிட்டால் சுறுசுறுப்பாக இருக்க முடியும்.

இதற்கிடையே, பேரீச்சம்பழம் உடலின் நோய் எதிர்ப்பு சக்தியை அதிகரிக்கும் தன்மையுடையது. அதில் உள்ள ஆன்டி-ஆக்ஸிடன்ட்கள், பலவிதமான நோய்களைத் தடுக்க உதவுகின்றன.

இதனால், இதய நோய், சர்க்கரை நோய் போன்ற நீண்டகால நோய்கள் ஏற்படுவதை கட்டுப்படுத்தும் சக்தியும் உள்ளது.

பெரும்பாலும் பசியை அடக்குவதிலும், செரிமானத்தை எளிதாக்குவதிலும் பேரீச்சம்பழம் உதவுகிறது. அதேசமயம், குழந்தைகள் முதல் முதியவர்கள் வரை அனைவரும் சாப்பிடத் தகுதியான, மிக ஆரோக்கியமான உணவாகும்.

அதனால், தினமும் இரண்டு பேரீச்சம்பழங்களை உணவில் சேர்த்துக்கொள்வது, உடல்நலனைக் காக்கும் எளிய வழிகளில் ஒன்றாகும்.