கருப்பு உலர் திராட்சையின் எண்ணற்ற நன்மைகள்

பலராலும் எளிதில் எடுத்துக்கொள்ளப்படும் ஒரு சிறந்த பழமாக கருப்பு உலர் திராட்சை கருதப்படுகிறது. இயற்கையான இனிப்பு சுவையுடன் கூடிய இந்த பழம், உடலுக்குத் தேவையான இரும்புச் சத்து, நார்ச்சத்து, ஆன்டி-ஆக்ஸிடண்ட், வைட்டமின்கள் மற்றும் கனிமங்கள் நிறைந்ததாகும்.

குறிப்பாக வெறும் வயிற்றில் கருப்பு உலர் திராட்சையை தினமும் சில அளவு சாப்பிடும் பழக்கம் உடல்நலனுக்கு பல்வேறு விதமான பலன்களை அளிக்கும் என்பது மருத்துவ ரீதியாகவும் நிரூபிக்கப்பட்டுள்ளது.

கருப்பு உலர் திராட்சையில் உள்ள இரும்புச் சத்து ரத்தசோகையை குறைக்கும் திறன் பெற்றது. இதை தொடர்ந்து சாப்பிடுவதன் மூலம் இரத்தத்தில் ஹீமோகுளோபின் அளவு அதிகரிக்கிறது.

அதே நேரத்தில் பெண்களுக்கு ஏற்படும் மாதவிடாய் சிக்கல்கள் மற்றும் உடல் பலவீனம் குறையவும் உதவுகிறது. வெறும் வயிற்றில் சாப்பிடும் போது இதில் உள்ள ஆன்டி-ஆக்ஸிடண்ட்கள் உடலில் இருக்கும் நச்சுகளை வெளியேற்றுவதோடு, கல்லீரல் சுத்தமாகும்.

இதில் உள்ள dietary fiber செரிமானத்தை சீராக வைத்து மலச்சிக்கலைத் தடுக்கிறது. காலை நேரத்தில் உலர் திராட்சையை வெறும் வயிற்றில் சாப்பிடும் போது குடலின் செயல்பாடு சீராகி, வயிற்றுப்போக்கு அல்லது அடைப்பு போன்ற பிரச்சனைகள் குறைகின்றன.

இதை தொடர்ந்து சாப்பிடும் பழக்கம் உடலில் தேவையற்ற கொழுப்பை குறைத்து எடை கட்டுப்பாட்டிலும் உதவுகிறது.

இதில் உள்ள பொட்டாசியம் மற்றும் மக்னீசியம் போன்ற கனிமங்கள் இரத்த அழுத்தத்தை சீராக வைத்திருக்க உதவுகிறது. இதனால் உயர் இரத்த அழுத்தம் அல்லது இதய நோய் அபாயம் குறைகிறது. மேலும், கருப்பு உலர் திராட்சையில் உள்ள resveratrol எனப்படும் பொருள் தோல் மற்றும் முடிக்கு ஆரோக்கியத்தை வழங்கி, வயதான தோற்றத்தை தடுக்கிறது.

வெறும் வயிற்றில் கருப்பு உலர் திராட்சையை சில தண்ணீரில் ஊறவைத்து சாப்பிட்டால் அதின் பயன் இன்னும் அதிகரிக்கும். ஏனெனில் ஊறிய திராட்சை உடலில் எளிதில் செரிமானமாகி சத்துக்களை விரைவாக வழங்கும்.

ஆகவே, தினசரி காலை வெறும் வயிற்றில் சில கருப்பு உலர் திராட்சை சாப்பிடும் பழக்கத்தை ஏற்படுத்திக்கொள்வது ஆரோக்கியமான வாழ்க்கை முறைக்கு உதவியாக இருக்கும்.