புல் மீது காலால் நடப்பதின் நன்மைகள்

காலையில் பசுமையான புல் மீது வெறுங்காலுடன் நடப்பது ஒரு சின்ன பழக்கமாக தோன்றினாலும், அது உடலுக்கும் மனதிற்கும் அளவிட முடியாத நன்மைகளை தரக்கூடியது. இயற்கையோடு நேரடியாக இணைவதற்கான ஒரு எளிய வழியாக இது கருதப்படுகிறது.

குறிப்பாக காலையில் பனித்துளிகள் படர்ந்த புல் மீது நடப்பது நம் உடலை இயற்கை சக்தியோடு தொடர்புபடுத்தி “earthing” எனப்படும் பயனைக் கொடுக்கிறது.

புல் மீது வெறுங்காலுடன் நடப்பது, பாதங்களில் உள்ள நரம்புகளைத் தூண்டுவதன் மூலம் blood circulation மேம்பட உதவுகிறது.

இதனால் இரத்த அழுத்தம் சீராகி, இதய ஆரோக்கியம் மேம்படும். மேலும் பாதங்களில் உள்ள அக்குபிரசர் புள்ளிகள் தூண்டப்படுவதால், கண் பார்வை தெளிவடைவதுடன், மன அழுத்தம் குறைகிறது.

அதேபோல், இயற்கை மின்காந்த சக்தி உடலுக்குள் பாய்வதால் stress, anxiety, depression போன்ற மனநிலை பிரச்சனைகள் தணிய உதவுகிறது.

தினசரி 15 முதல் 30 நிமிடங்கள் புல் மீது நடப்பது நரம்பு மண்டலத்தை அமைதிப்படுத்தி நல்ல உறக்கம் கிடைக்கச் செய்கிறது.

மேலும் காலை நேரத்தில் சூரியனின் முதல் கதிர்களை உடல் பெறுவதன் மூலம் Vitamin D கிடைக்கிறது. இது எலும்புகளின் ஆரோக்கியத்திற்கும் உடல் நோய் எதிர்ப்புத்திறனுக்கும் உதவுகிறது.

புல் மீது நடப்பது பாதங்களை இயற்கையாக மசாஜ் செய்யும் விதமாக இருப்பதால் arthritis, joint pain, back pain போன்ற பிரச்சனைகளுக்கும் நிவாரணம் தரும்.

அதிகமாக செரிமானக் கோளாறு, தலைவலி, சோர்வு, மனஅழுத்தம் கொண்டவர்களுக்கு புல் மீது வெறுங்காலுடன் நடப்பது மிகவும் நல்ல ஒரு இயற்கை மருத்துவமாக கருதப்படுகிறது.

மொத்தத்தில், வெறுங்காலுடன் புல் மீது நடப்பது நம் உடல் மற்றும் மன ஆரோக்கியத்தை மேம்படுத்தும் ஒரு இயற்கையான பழக்கமாகும்.

எதற்கும் செலவு இல்லாமல், தினசரி இயற்கையோடு இணையும் ஒரு சிறந்த வழி இது ஆகும்.