காலியில் கனமழை – சாலைகள் வெள்ளத்தில் மூழ்கின

காலி நகரில் நீடித்துவரும் கனமழையின் காரணமாக பல சாலைகள் வெள்ளத்தில் மூழ்கியுள்ளதால் போக்குவரத்து கடுமையாக பாதிக்கப்பட்டுள்ளது.

காலி–பத்தேகம பிரதான சாலை தற்போது தலபிட்டிய, பெலிகஹா மற்றும் கஹடுவாவத்த பகுதிகளில் வெள்ளநீரில் மூழ்கியுள்ளது.

மேலும், மொரகொடா கால்வாய் நிரம்பி வழிந்ததால், காலி–கிதுலம்பிட்டிய சாலையும் மொரகொடா பகுதியில் வெள்ளத்தால் பாதிக்கப்பட்டுள்ளது.

ஒழுங்கற்ற வளர்ச்சித் திட்டங்கள், அனுமதியில்லா கட்டிடங்கள் மற்றும் வடிகால் அமைப்புகள் சரியாக பராமரிக்கப்படாமை ஆகியவையே இந்த வெள்ளத்திற்குக் காரணமாக உள்ளதாக அப்பகுதி மக்கள் குற்றம்சாட்டியுள்ளனர்.

பலமுறை அதிகாரிகளுக்கு இதுகுறித்து அறிவித்திருந்தாலும் இதுவரை எந்தவித தீர்வும் வழங்கப்படவில்லை என அவர்கள் தெரிவித்தனர்.

சிறிய மழை பெய்தால்கூட இப்பகுதிகள் எளிதில் வெள்ளத்தில் மூழ்கி விடுகின்றன என்றும் மக்கள் சுட்டிக்காட்டுகின்றனர்.