இமாச்சல் நிலச்சரிவில் பேருந்து புதைந்தது – 18 பேர் பலி

இமாச்சல் பிரதேசம் மீண்டும் ஒரு பேரழிவைச் சந்தித்துள்ளது. பிலாஸ்பூர் மாவட்டத்தில் நேற்று இரவு ஏற்பட்ட கடும் நிலச்சரிவில் தனியார் பேருந்து ஒன்று புதைந்ததில் குறைந்தது 18 பேர் உயிரிழந்ததாக அதிகாரிகள் தெரிவித்துள்ளனர்.

தொடர்ந்து பெய்து வரும் கனமழையின் காரணமாக மலையிலிருந்து பெரிய அளவில் மண் மற்றும் பாறைகள் சரிந்து விழுந்தது.

அந்த நேரத்தில் சுமார் 30க்கும் மேற்பட்ட பயணிகளுடன் சோலன் நோக்கி சென்றுக்கொண்டிருந்த பேருந்து மண் சரிவில் சிக்கி முழுவதும் புதைந்து போனது. உடனடியாக தகவல் அறிந்த மீட்பு குழுவினர், தேசிய பேரிடர் மேலாண்மை படை (NDRF) மற்றும் மாநில மீட்பு வீரர்கள் சம்பவ இடத்திற்கு விரைந்து சென்று மீட்பு பணிகளைத் தொடங்கினர்.

மண் சரிவு ஏற்பட்ட பகுதி இரவு நேரம் என்பதால் மீட்பு பணிகள் கடுமையாக சிரமப்பட்டு நடந்தன. இதுவரை 18 பேரின் உடல்கள் மீட்கப்பட்டுள்ளன. மேலும் பலர் காணாமல் போயிருப்பதாகவும், அவர்களை தேடும் பணி இன்று காலை முதல் தீவிரமாக நடைபெறுவதாகவும் தெரிவிக்கப்பட்டுள்ளது.

இந்த பேரழிவுக்கு ஆழ்ந்த இரங்கல் தெரிவித்த பிரதமர் நரேந்திர மோடி, உயிரிழந்தவர்களின் குடும்பத்தினருக்கு ரூ. 2 லட்சம் நிவாரணம் மற்றும் காயமடைந்தவர்களுக்கு ரூ. 50 ஆயிரம் நிவாரணம் வழங்கப்படும் என அறிவித்துள்ளார். மாநில முதல்வரும் சம்பவ இடத்திற்கு பயணம் செய்து மீட்பு பணிகளை கண்காணித்து வருகிறார்.

Bilaspur, Himachal Pradesh | At least 10 people killed and several others injured after a private bus was hit by a landslide in the Balurghat area of Jhandhuta subdivision in Himachal Pradesh’s Bilaspur district.

Excavation and rescue operations are continuing on a war footing.… pic.twitter.com/LYH5gHXOJE

— ANI (@ANI) October 7, 2025

கடந்த சில வாரங்களாக இமாச்சல் பிரதேசம் முழுவதும் பெய்து வரும் கனமழை காரணமாக பல இடங்களில் நிலச்சரிவு, சாலை இடிவு போன்ற சம்பவங்கள் தொடர்ந்து இடம்பெற்று வருகின்றன. வானிலை ஆய்வு மையம் அடுத்த சில நாட்களிலும் கனமழை நீடிக்கும் வாய்ப்பு உள்ளதாக எச்சரிக்கை விடுத்துள்ளது.

பிலாஸ்பூர் நிலச்சரிவு சம்பவம் மாநில மக்களிடம் பெரும் அதிர்ச்சியையும் துயரத்தையும் ஏற்படுத்தியுள்ளது. மீட்பு குழுவினர், “இன்னும் சிலர் உயிருடன் சிக்கியிருக்கலாம்” என்ற நம்பிக்கையுடன் தங்கள் பணியை முழு திறனுடன் முன்னெடுத்து வருகின்றனர்.