பளபளப்பை தரும் முகமூடி - வீட்டிலேயே செய்வது எப்படி?

இன்றைய இளம் பெண்கள் தங்கள் முகத்தை அழகாகவும், பொலிவாகவும் வைத்திருப்பதற்காக அழகு சாதன பொருட்கள் மீது அதிக நம்பிக்கை வைக்கின்றனர். ஆனாலும், இதனால் எப்போதும் எதிர்பார்த்த பலன் கிடைக்குமா? என்றால், பல சமயங்களில் பதில் “இல்லை” என்பதுதான்.

இயற்கையின் வளங்களை பயன்படுத்தி, வீட்டிலேயே சுலபமாக சரும பராமரிப்பை மேற்கொள்ளும் வழிகள் நம்மிடம் நிறைய உள்ளன. குறிப்பாக தக்காளி, தயிர் மற்றும் உருளைக்கிழங்கு – இந்த மூன்று சாதாரண பொருட்களும் உங்கள் சமையலறையில் எப்போதும் இருக்கும். ஆனால் அவற்றை சரியான முறையில் பயன்படுத்தினால், உங்கள் சருமத்திற்கு கிட்டத்தட்ட சலூன் தரம் அளிக்கும் Glow கிடைக்கும் என்பதே உண்மை.

பளபளப்பை தரும் முகமூடி

தக்காளி சருமத்தில் உள்ள மேல் அடுக்கில் இருந்து தூசுகள் மற்றும் அழுக்குகளை அகற்றுகிறது. இதிலுள்ள லைகோபீன் எனப்படும் ஆன்டிஆக்ஸிடன்ட், புற ஊதா கதிர்களின் பாதிப்புகளை எதிர்த்து, முகத்தின் நிறத்தை மேம்படுத்துகிறது. குறிப்பாக கோடைக்காலத்தில் தக்காளி சருமத்திற்கு இயற்கையான பாதுகாப்பாக செயல்படுகிறது.

தயிரில் உள்ள லாக்டிக் அமிலம், முகத்தில் உள்ள இறந்த செல்களை அகற்றி புதிய செல்கள் உருவாக உதவுகிறது. இது உங்கள் சருமத்தை பளிச்சென வைத்திருக்க உதவுகிறது. இது போன்ற இயற்கை அமிலங்கள், விலையுயர்ந்த எக்ஸ்பொலியேட்டர்களுக்குச் சமம். உருளைக்கிழங்கு – இதில் உள்ள வைட்டமின் சி மற்றும் இயற்கை பிளீச்சிங் தன்மை, முகத்தில் இருக்கும் கரும்புள்ளிகளை, முகப்பருவை, டானிங்கை குறைத்து ஒரு அழகான ஒளிரும் தோற்றத்தை வழங்குகிறது.

இந்த மூன்றையும் சேர்த்து தயாரிக்கும் பேஸ்ட் மிக எளிமையானது. ஒரு டீஸ்பூன் தக்காளி சாறு, ஒரு டீஸ்பூன் தயிர், ஒரு டீஸ்பூன் உருளைக்கிழங்கு சாறு – இவற்றை நன்கு கலந்து முகத்தில் தடவி 15-20 நிமிடங்கள் விட்டுப் பின்பு வெதுவெதுப்பான நீரில் கழுவினால், உடனடியாக உங்கள் முகத்தில் ஒரு பளபளப்பும், மென்மையும் தெரியும்.

வாரத்திற்கு 3-4 முறை இந்த முறையை தொடர்ந்து பயன்படுத்தினால், உங்கள் சருமத்தில் வருணம் மறைந்து, இயற்கையான பொலிவு தெரியும்.

மேலும், உருளைக்கிழங்கு சாறு, தேன் மற்றும் தக்காளி சாறு சேர்த்து தயாரிக்கப்படும் முகமூடி, முகத்தில் உள்ள பாக்டீரியாக்களை அழிக்க உதவுகிறது. இது முகப்பருவை குறைக்கும். அதேபோல் தேன் சருமத்திற்கு தேவையான ஈரப்பதத்தை வழங்கி, மென்மையை உறுதி செய்கிறது.

இந்த முகமூடிகளை தினசரி அல்லது மாற்றி நாள்களில் பயன்படுத்துவதன் மூலம், உங்கள் சருமம் முழுமையாக ஒரு புதிய போதையை அனுபவிக்கும்.

வீட்டிலேயே குறைந்த செலவில், பக்கவிளைவுகள் இல்லாமல், இயற்கையான பொருட்களை வைத்து முக அழகை மேம்படுத்தும் இந்த முறைகள், எந்த அழகு சாதன பொருளும் தர முடியாத உள்விளைவுகளை தரக்கூடியவை.

எனவே, ஹீரோயின் போல ஜொலிக்கும் தோலை நீங்கள் விரும்பினால், உங்கள் சமையலறைத் திறந்துப் பாருங்கள் – உங்கள் பொலிவுக்கும் பதிலும் அங்குதான் இருக்கிறது.