பூமியின் ரகசியம் – ஆய்வில் வெளியான அதிர்ச்சி தகவல்!
எதிர்காலத்தில் தண்ணீர் பற்றாக்குறை ஏற்பட அதிக வாய்ப்பு இருப்பதாக தகவல்.
பூமியில் உள்ள தண்ணீரில் எவ்வளவு குடிநீர்? – அறிவியல் கூறும் உண்மை
பூமி என்பது நீரால் சூழப்பட்ட புளூ பிளானெட்டாகக் கருதப்படுகிறது. வெளிப்புறத்தில் பார்க்கும் போது, சுமார் 71% பரப்பளவை தண்ணீர் தான் உருவாக்குகிறது. ஆனால், இந்த தண்ணீரில் நாம் குடிக்கக்கூடிய அளவு எவ்வளவு தெரியுமா? அண்மையில் வெளியான ஒரு அறிவியல் ஆய்வு, இந்தக் கேள்விக்கு அதிர்ச்சிகரமான விடையை அளித்துள்ளது.
பொதுவாகக் கணக்கிடும்போது, பூமியில் உள்ள மொத்த தண்ணீர் சுமார் 140 கோடியே 60 லட்சம் கனகிலோமீட்டர் (km³) அளவில் இருப்பதாகக் கூறப்படுகிறது. இதில் மிகப்பெரிய பகுதி, சுமார் 97.5% தண்ணீர் சமுத்திரங்களில் உப்புத்தன்மையுடன் காணப்படுகிறது.
பூமியின் ரகசியம்
இந்த உப்புத்தன்மையைக் காரணமாக கொண்டு, அந்த நீரை நேரடியாக குடிக்க முடியாது. desalination எனும் செயல்முறையில் உப்பை நீக்கி குடிநீராக மாற்றுவது சாத்தியமானதென்றாலும், அது மிகவும் அதிக செலவுடையதாகவும், சிக்கலானதாகவும் உள்ளது.
மீதமுள்ள 2.5% தான் ‘fresh water’ எனப்படும் குடிநீராகக் கருதப்படுகிறது. ஆனால் அதில் சுமார் 70% தண்ணீர் பனிப்பாறைகளாக அர்க்டிக், ஆன்டார்டிகா போன்ற பகுதிகளில் உறைந்த நிலையில் உள்ளது.
மீதமுள்ள 30% தண்ணீர் நிலத்தடி நீராக (Groundwater) காணப்படுகிறது. குளங்கள், ஆறுகள், ஏரிகள் மற்றும் நிலத்தள நீர் போன்றவற்றில் நாம் சுதந்திரமாக பயன்படுத்தக்கூடிய தண்ணீர் சுமார் 0.3% மட்டுமே தான்.
அதாவது, பூமியில் கிடைக்கும் மொத்த தண்ணீரில், நாம் நேரடியாக குடிக்கக்கூடியது 0.007% க்கும் குறைவான அளவு தான்! இது மிகவும் அதிர்ச்சிக்குரிய உண்மை. இந்த உண்மை தான் தற்போதைய மற்றும் எதிர்காலத் தண்ணீர் பிரச்சனையின் முக்கிய வேராகவும், உலக அரசுகளின் சுற்றுச்சூழல் நடவடிக்கைகளின் அடிப்படையாகவும் உள்ளது.
இந்த நிலையில், குடிநீரைக் குறைவாகவும், சிறப்பாகவும் பயன்படுத்த வேண்டும் என்பது நம் ஒவ்வொருவரின் பொறுப்பாகும். குறிப்பாக, குடிநீர் வளங்களை பாதுகாக்கும் நோக்கில், பராமரிப்பு முறைகளை கடைப்பிடிக்க வேண்டும்.
குப்பை, வேதியியல் கழிவுகள் மற்றும் தொழிற்சாலைகளின் கழிவுகள் போன்றவை நீர்நிலைகளை மாசுபடுத்துவதால், அவற்றை கட்டுப்படுத்துவதும் அவசியம்.
பூமியில் நீர் அதிகமாக உள்ளபோதிலும், நாம் குடிக்கக்கூடிய தண்ணீர் மிகக் குறைவாகவே உள்ளது. அந்த குறைவான வளத்தையே பாதுகாக்கும் பொறுப்பு நம்மிடமே உள்ளது. உபயோகிப்பதற்கு முன் எண்ணுங்கள், ஒவ்வொரு துளி தண்ணீரும் ஒரு உயிர் வாழ்வுக்கே துணை!