கண்கள் கீழே உள்ள கருவளையத்தை நீக்கும் எளிய வழிகள்

இன்றைய வேகமான வாழ்க்கை முறையில் நம்மால் அடிக்கடி தன்னைக் கவனிப்பதை மறந்துவிடுகிறோம். இதனால் தோலில் பல பிரச்சனைகள் உருவாகும், அதில் முக்கியமானது கண்கள் கீழே தோன்றும் கருவளையம். களைப்பு, தூக்கமின்மை அல்லது தவறான வாழ்க்கை முறைகள் காரணமாக உருவாகும் இந்த கருவளையம் முகத்தின் அழகை குறைக்கும். ஆனால் கவலைப்பட வேண்டாம். சில எளிய மாற்றங்கள் மற்றும் சரியான பழக்கங்களால் இதை விரைவாகக் குறைக்கலாம்.

போதுமான தூக்கம்:


கருவளையம் உருவாகும் முக்கிய காரணங்களில் ஒன்று தூக்கமின்மை. உடல் சரியான ஓய்வை பெறாவிட்டால், ரத்த ஓட்டம் பாதிக்கப்படுவதால் கண்கள் கீழே கருப்பாக தெரியும். தினமும் குறைந்தது 7–8 மணி நேரம் தூங்குவது அவசியம்.

தலையை உயர்த்தி உறங்கவும்:


தூங்கும்போது தலையணை ஒன்றை கூடுதலாக வைத்து அல்லது படுக்கையின் தலையணைப்பகுதியை சிறிது உயர்த்தி உறங்குங்கள். இது கண் கீழே திரவம் தேங்குவதைத் தடுக்கிறது, அதனால் வீக்கம் மற்றும் கருவளையம் குறையும்.

போதுமான தண்ணீர் குடிக்கவும்:


தோலின் பளபளப்பை காக்க தண்ணீர் முக்கியம். தினமும் போதுமான அளவு தண்ணீர் குடிப்பது தோலை ஈரப்பதமாக வைத்திருக்க உதவும். தண்ணீர் குறைவால் தோல் மந்தமாகி கருவளையம் தெளிவாகத் தெரியும்.

உப்பும் மதுபானமும் குறைக்கவும்:


அதிக உப்பு உட்கொள்வது உடலில் நீர் தேக்கத்தை அதிகரிக்கிறது, இதனால் கண் வீக்கம் ஏற்படும். மதுபானம் அதிகமாகக் குடிப்பது தோலை வறட்சியாக்கி கருவளையத்தைத் தெளிவாகக் காட்டும். எனவே இதை தவிர்க்கவும்.

புகைபிடிப்பை நிறுத்தவும்:


புகைபிடிப்பால் தோலில் உள்ள கொலாஜன் குறைகிறது, இதனால் ரத்த நாளங்கள் தெளிவாகத் தெரியும். இது கண்கள் கீழே கறுப்பு வட்டங்கள் உருவாகக் காரணமாகும்.

ஒவ்வாமையைக் கட்டுப்படுத்தவும்:


சிலருக்கு கண் கருவளையம் ஒவ்வாமையால் (allergic shiners) ஏற்படும். இத்தகையவர்கள் மருந்து எடுத்துக்கொண்டு கண்களை உரசாமல் இருப்பது அவசியம்.

கண்கள் கீழே கருவளையம் ஒரு நாளில் போய்விடாது. ஆனால் தினசரி சிறிய பழக்கமாற்றங்கள், போதுமான ஓய்வு, சீரான உணவு மற்றும் நீர் உட்கொள்வது போன்றவற்றால் சில நாட்களில் கணிசமான மாற்றத்தை நீங்கள் உணர முடியும். உங்கள் முகம் மீண்டும் புத்துணர்ச்சியுடன் ஜொலிக்கத் தொடங்கும்.