இறந்த பிறகும் 10 ஆண்டுகள் உயிருடன் இருக்கும் உறுப்பு

ஒருவர் இறந்தவுடன் அவரது உடலின் பெரும்பாலான உறுப்புகள் செயலிழக்கின்றன. இதயம் துடிப்பதை நிறுத்தி, மூளைக்கு ஆக்சிஜன் போவதில்லை.

ஆனால், மனித உடலில் சில உறுப்புகள், உடனடியாக செயலிழக்காமல், பல மணி நேரங்களும் சில நாட்களும் உயிருடன் இருக்கும்.

குறிப்பாக, கண்கள், கல்லீரல், சிறுநீரகம் போன்றவை, மரணத்திற்குப் பிறகும் தற்காலிகமாக செயல்படுகின்றன.

கண்கள் மற்றும் முக்கிய உறுப்புகளின் உயிர் காலம்

மனித கண்கள், ஒருவர் இறந்த பிறகு சுமார் 6–8 மணி நேரம் உயிருடன் இருக்கும். இதயத்தை 4–6 மணி நேரத்திற்குள் மாற்று அறுவை சிகிச்சைக்குப் பயன்படுத்த முடியும்.

சிறுநீரகம் 72 மணி நேரம், கல்லீரல் 8–12 மணி நேரம் வரை செயல்பட முடியும். இதனால் தான், உறுப்புத் தானம் செய்ய விரும்பும் நபர்களின் உடல், மரணத்திற்குப் பிறகு உடனடியாக மருத்துவக் குழுவினரிடம் கொண்டு செல்லப்படுகிறது.

10 ஆண்டுகள் உயிருடன் இருக்கும் அதிசய உறுப்பு – இதய வால்வு

உறுப்புத் தானம் தொடர்பான 'Donor Life' அமைப்பின் தகவல்படி, மனித இதய வால்வு, ஒருவர் இறந்த பிறகும் சுமார் 10 ஆண்டுகள் உயிருடன் பாதுகாக்கப்பட முடியும்.

இதய வால்வு, மற்ற உறுப்புகளைப் போல அல்லாமல், பதப்படுத்துதல், கிருமி நீக்கம் செய்தல் மற்றும் சரியான முறையில் சேமித்தல் மூலம் நீண்டகாலம் உயிருடன் வைக்கப்படும்.

இதய வால்வின் பயன்பாடு

இதய வால்வு சேதமடைந்த நோயாளிகளுக்கு, மரணமடைந்த தானதாரரின் இதய வால்வு மாற்று அறுவை சிகிச்சையின் மூலம் பொருத்தப்படுகிறது.

10 ஆண்டுகள் உயிருடன் இருக்கும் திறன் காரணமாக, இது மருத்துவத் துறையில் மிகப் பெரிய பயனுள்ளதாக கருதப்படுகிறது.

உறுப்புத் தானத்தின் முக்கியத்துவம்

உறுப்புத் தானம் மூலம் பல உயிர்களை காப்பாற்ற முடியும். ஒரே ஒரு தானதாரரின் உறுப்புகள், பல நோயாளிகளின் வாழ்க்கையை மாற்றக்கூடியது.

இதனால், உறுப்புத் தானம் குறித்து விழிப்புணர்வு பரப்பப்படுவது மிகவும் அவசியம்.