இட்லி Vs தோசை: எது காலை உணவிற்கு ஆரோக்கியமானது?

தென்னிந்தியர்களின் வாழ்க்கையில் இட்லியும் தோசையும் பிரிக்க முடியாத அத்தியாவசிய உணவுகள்.

இரண்டும் அரிசி மற்றும் உளுந்து அடிப்படையாக கொண்டவை என்றாலும், அவற்றின் சமைக்கும் முறை, ஊட்டச்சத்து தன்மை மற்றும் உடல் நலனில் ஏற்படுத்தும் தாக்கம் வேறுபட்டதாகும். காலை உணவில் எது சிறந்தது என்பதைப் பற்றி பலரும் சிந்தித்து வருகிறார்கள்.

இட்லி ஆவியில் வேகவைக்கப்படுவதால் அதில் எண்ணெய் சேர்க்கப்படுவதில்லை. அதனால் இது எடை குறைக்க விரும்புகிறவர்களுக்கு ஒரு சிறந்த தேர்வாகும்.

சுலபமாக ஜீரணமாகும் தன்மை கொண்டதால், வயிற்றில் எடை இல்லாமல் சக்தியை அளிக்கக்கூடியது. மருத்தவர்கள் பெரும்பாலும் காலை உணவிற்கு இட்லியை பரிந்துரைக்கிறார்கள்.

மாறாக, தோசை சுட்டு சமைக்கப்படுவதால் சிறிதளவு எண்ணெய் தேவைப்படும். அதுவும் சுவையை அதிகரிக்கிறது. தோசையில் இருக்கும் காரசாரத்தன்மை, பொன்னிறமாக சுடப்பட்ட தோல் போன்றவை அதை சாப்பிடுவதற்கு இன்னும் விருப்பமாக்குகின்றன.

ஆனால் தொடர்ந்து அதிக எண்ணெய் சேர்த்து தோசை சாப்பிட்டால் கொழுப்பு அதிகரிக்கும் அபாயம் உண்டு. அதேசமயம் தோசை நீண்ட நேரம் பசியை அடக்குவதால் வேலைக்கு செல்லும் மனிதர்களுக்கு சக்தி தரும் உணவாகவும் கருதப்படுகிறது.

ஆரோக்கியம் மட்டுமே நோக்கமாக இருந்தால் இட்லி சிறந்த தேர்வாகும். ஆனால் சுவையும் நிறைவான உணர்வும் வேண்டும் என்றால் தோசையும் சரியான விருப்பமாகும்.

இறுதியில், இரண்டையும் சமநிலையில் உண்ணும் பழக்கம் தான் உடல் நலனுக்கு மிகச் சிறந்தது என்று மருத்துவர்கள் கூறுகின்றனர்.