போன் கவரில் கார்டுகள், பணம் வைப்பது ஆபத்தானதா?

நாம் பலர் போன் கவரில் பணம், ஏடிஎம் கார்டுகள், அடையாள அட்டை போன்றவற்றை வைத்துக் கொள்வது வழக்கமாகி விட்டது.

இது எளிதாக தோன்றினாலும், உடல் நலத்துக்கும், பொருளாதார பாதுகாப்பிற்கும் தெரியாமல் பாதிப்பு உண்டாக்கும் அபாயம் இருப்பதை நிபுணர்கள் எச்சரிக்கிறார்கள்.

முதலில் மொபைலில் இருந்து உற்பத்தியாகும் காந்த அலைகள் (magnetic radiation) ஏடிஎம் கார்டில் உள்ள மாக்னடிக் ஸ்டிரிப் மற்றும் சிப் பகுதிகளை சேதப்படுத்தும். இதனால் கார்டு வேலை செய்யாமல் போகும் அபாயம் அதிகம். அதேபோல் அடையாள அட்டைகள், பாஸ் கார்டுகள் போன்ற மாக்னடிக் அடிப்படையிலான கார்டுகளும் சேதமடையக்கூடும்.

அடுத்ததாக, மொபைல் எப்போதும் கைகளில், காதருகே அல்லது உடலருகே வைக்கப்படுவதால், அதில் பணம் வைத்தால் வியர்வை அல்லது ஈரப்பதத்தால் சேதமடையும்.

இது சிறியதாக தோன்றினாலும், பெரும்பாலும் பணம் கெடுதல் அல்லது அழுகுதல் போன்ற பிரச்சினைகள் ஏற்படலாம்.

மேலும், பாதுகாப்பு கோணத்தில் பார்த்தால், மொபைல் போன் திருடப்பட்டாலோ அல்லது தொலைந்துவிட்டாலோ, அதனுடன் பணமும், கார்டுகளும் ஒரே நேரத்தில் இழக்கப்படும் அபாயம் அதிகம். இதனால் நிதி இழப்பு மட்டுமல்லாமல், வங்கி மோசடி போன்ற அபாயங்களும் ஏற்படலாம்.

மருத்துவ ரீதியாக பார்த்தால், கார்டுகளிலும், காகித பணத்திலும் இருக்கும் கிருமிகள், எப்போதும் நம் கைகளில் இருக்கும் மொபைல் கவர் வழியாக நம் உடலில் பரவ வாய்ப்பும் உள்ளது.

ஆகவே நிபுணர்கள் கூறுவதாவது, போன் கவரில் பணம் மற்றும் ஏடிஎம் கார்டுகளை வைப்பது சுகாதாரத்துக்கும், பாதுகாப்பிற்கும் நல்லது அல்ல என்பதே.

இதற்கு பதிலாக தனி பணப்பை (wallet) அல்லது கார்டு ஹோல்டர் பயன்படுத்துவது சிறந்தது என அறிவுறுத்துகிறார்கள்.