கடவத்தை – மிரிகம அதிவேக பாதை பணிகள் மீண்டும் தொடக்கம்

மத்திய அதிவேக நெடுஞ்சாலையின் கடவத்தை முதல் மிரிகம வரையிலான பிரிவு பணிகள் ஜனாதிபதி அனுர குமார திசாநாயக்க அவர்களின் தலைமையில் இன்று (17) அதிகாரப்பூர்வமாக மீண்டும் தொடங்கப்படுகிறது.

இந்த மறுதொடக்கத்தின் ஒரு பகுதியாக, கடவத்தை இணைப்பு பாதை மற்றும் அதிவேக நெடுஞ்சாலையின் முதல் 500 மீட்டர் பகுதியின் பணிகளும் ஆரம்பிக்கப்படுகின்றன.

அரசாங்கம் இத்திட்டத்திற்காக ரூ. 8.6 பில்லியன் ஒதுக்கியுள்ளது.

பொருளாதார நெருக்கடியின் காரணமாக கடன் வசதிகள் நிறுத்தப்பட்டதால், இந்தப் பகுதியின் கட்டுமானப் பணிகள் 2022 நடுப்பகுதியில் இடைநிறுத்தப்பட்டன.

எனினும், சீனாவின் ஏற்றுமதி-இறக்குமதி வங்கி (Export-Import Bank of China) அமெரிக்க டாலர் 500 மில்லியனுக்கு சமமான யுவான் நாணய கடனை அனுமதித்துள்ளதால், பணிகள் மீண்டும் தொடங்கும் நிலை ஏற்பட்டுள்ளது.

முழுமையான திட்டம் 2028 நடுப்பகுதிக்குள் நிறைவு பெறும் என எதிர்பார்க்கப்படுகிறது.

இவ்வாறு நீண்ட இடைவெளிக்குப் பிறகு மீண்டும் தொடங்கப்படும் கடவத்தை – மிரிகமா அதிவேக நெடுஞ்சாலை கட்டுமானம், நாட்டின் அபிவிருத்தித் திட்டங்களில் மிக முக்கியமான ஒன்றாகப் பார்க்கப்படுகிறது.