தங்கத்தை விட கோடிக்கணக்கில் விலை கொண்ட ஜேடைட்!

பொதுவாக “விலைமதிப்புள்ள கனிமம்” என்றால், தங்கம், வெள்ளி அல்லது பிளாட்டினம் தான் நமக்கு நினைவுக்கு வரும். ஆனால், உலகின் மிக விலையுயர்ந்த கனிமம் இவற்றில் எதுவும் அல்ல என்பதை பலர் அறியவில்லை. அந்த பட்டியலில் முதலிடத்தை பிடித்திருப்பது ஜேடைட் (Jadeite) என்ற அரிய கனிமம் தான்.

தங்கம் மற்றும் வெள்ளி விலைகள் இப்போது உயர்ந்த நிலையில் இருந்தாலும், ஜேடைட் அதைவிட நூற்றுக்கணக்கான மடங்கு விலை கொண்டது. ஒரு காரட் ஜேடைட் (0.2 கிராம்) சுமார் 3 மில்லியன் அமெரிக்க டாலர், அதாவது ரூ. 26 கோடிக்கும் மேல் விலை மதிப்புடையது.

அதாவது 10 கிராம் ஜேடைட்டின் மதிப்பு சுமார் ரூ. 1,300 கோடிக்கு மேல் ஆகும். இது உலகின் மிக அதிக விலைமதிப்புள்ள கனிமம் என்பதை உறுதி செய்கிறது.

ஜேடைட் முக்கியமாக மியான்மர் (பர்மா) நாட்டில் தோண்டப்படுகிறது. இது சீன கலாச்சாரத்தில் மிக புனிதமான கனிமமாக கருதப்படுகிறது.

சீனாவில் திருமணங்கள், விழாக்கள், நல்வாழ்வு நிகழ்வுகளில் ஜேடைட் அணிவது அதிர்ஷ்டத்தின் அடையாளமாகப் பார்க்கப்படுகிறது. அதனால், அங்கு இதற்கான தேவை ஆண்டுதோறும் பெருகிக் கொண்டே வருகிறது.

ஜேடைட் மிக அரிதானது என்பதால் அதன் விலை இவ்வளவு அதிகம். உலகளவில் ஜேடைட் உற்பத்தியில் மியான்மர் முன்னணியில் இருந்தாலும், அவ்விடத்திலும் 1 சதவீதம் மட்டுமே உயர் தரமான ஜேடைட் கிடைக்கிறது.

மேலும், அதன் உற்பத்தி வருடந்தோறும் குறைந்து வருவதால், அதன் விலை தொடர்ந்து உயர்ந்துகொண்டே இருக்கிறது.

ஜேடைட் முக்கியமாக நகை தயாரிப்பு, கலைப்பொருட்கள், அரிய கிரீடங்கள் ஆகியவற்றில் பயன்படுத்தப்படுகிறது. மேலும் சில மருத்துவ ஆய்வுகள், ஜேடைட்டின் தாதுக்கள் உடல் ஆற்றலை அதிகரித்து, இரத்த ஓட்டத்தை சீர்படுத்தி, சரும ஆரோக்கியத்தை மேம்படுத்தும் என்று கூறுகின்றன.

இதனால் சில நாடுகளில் இதை ஆரோக்கிய நன்மைக்கான கற்களாகவும் பயன்படுத்துகின்றனர்.

ஜேடைட் வாங்கும் போது, GIA (Gemological Institute of America) அல்லது NGTC போன்ற சர்வதேச சான்றிதழ் பெற்றவை மட்டுமே வாங்குவது அவசியம். காரணம், சந்தையில் போலி ஜேடைட் கற்கள் மிகுந்துள்ளன.

உண்மையான ஜேடைட் கற்கள் பெரும்பாலும் ஏல தளங்கள் அல்லது அங்கீகரிக்கப்பட்ட நகை விற்பனையாளர்கள் வழியாக மட்டுமே கிடைக்கும். இந்தியாவில் இதை மும்பை, டெல்லி போன்ற நகரங்களில் சில பிரபல நகைக்கடைகள் விற்கின்றன.

இன்றைய நிலையில், ஜேடைட்டின் விலை தங்கத்தைவிட வேகமாக உயர்ந்து வருகிறது. பல பொருளாதார நிபுணர்கள் கூறுவது போல, அடுத்த பத்து ஆண்டுகளில் இதன் மதிப்பு மூன்று மடங்கு வரை அதிகரிக்கலாம் என எதிர்பார்க்கப்படுகிறது.

இருப்பினும், இது ஒரு மிகுந்த அபாயம் கொண்ட முதலீடு என்பதால், நேரடியாக பணம் முதலீடு செய்வதற்கு முன் நிபுணர்களின் ஆலோசனையைப் பெறுவது முக்கியம்.