ஆஸ்திரேலிய நாடாளுமன்றத்தில் தேவாவுக்கு கௌரவம்

தமிழ் திரையிசையில் தனித்துவமான தடம் பதித்த இசை மேதை தேவா, ஆஸ்திரேலிய நாடாளுமன்றத்தில் கௌரவிக்கப்பட்டு பெருமை பெற்றுள்ளார்.

1986 ஆம் ஆண்டு வெளியான "மாட்டுக்கார மன்னர்" திரைப்படத்தின் மூலம் இசையமைப்பாளராக அறிமுகமான தேவா, நாற்பதுக்கும் மேற்பட்ட ஆண்டுகளாக தனது இசையால் ரசிகர்களை கவர்ந்துவருகிறார். மெலோடி பாடல்களிலிருந்து கானா பாணி வரையிலும் சிறப்பாகப் பரவலாகப் பயன்படுத்தியதால், அவர் "கானா மன்னன்" என்று அழைக்கப்பட்டார். 400-க்கும் அதிகமான திரைப்படங்களுக்கு இசையமைத்து, பல சூப்பர் ஹிட் பாடல்களை வழங்கிய அவர், இன்றும் இசை ரசிகர்களின் இதயத்தில் நிலைத்து நிற்கிறார்.

சென்னையின் குடிசைப்பகுதியில் வளர்ந்த தேவா, காசிமேடு, ராயபுரம், வில்லிவாக்கம் போன்ற பகுதிகளில் பரவலாக இருந்த கானா இசையோடு சிறுவயதிலிருந்தே நெருக்கமாக இணைந்திருந்தார். அந்த வாழ்க்கைப் பின்புலத்திலிருந்து வந்த இசைத் தாக்கமே அவரது பாடல்களில் பிரதிபலித்தது.

சமீபத்தில் ஆஸ்திரேலியா பயணம் மேற்கொண்ட தேவாவுக்கு, அந்நாட்டு நாடாளுமன்றத்தில் மரியாதை செலுத்தப்பட்டது. அவைத்தலைவர் இருக்கையில் அமர வைத்து, அந்நாட்டின் உயரிய செங்கோல் வழங்கப்பட்டது.

இந்த கௌரவத்தைப் பெற்றதில் உணர்ச்சி வசப்பட்ட தேவா, “இது எனக்கு மட்டுமல்ல, உலகம் முழுவதும் இசை மற்றும் கலாச்சாரத்தைப் பரப்பும் ஒவ்வொரு தெற்காசிய கலைஞருக்கும் சொந்தமான அங்கீகாரம். எனக்குக் கிடைத்த இந்த மரியாதையை அவர்களுக்கும் அர்ப்பணிக்கிறேன். ஆஸ்திரேலிய அரசுக்கு எனது இதயப்பூர்வமான நன்றி” என்று தெரிவித்தார்.

A historic honour for #ThenIsaiThendral #Deva!

During his visit to Australia, Deva was welcomed at the Australian Parliament, invited to sit in the Speaker’s chair, and presented with the ceremonial scepter

Deva expressed heartfelt gratitude to the Australian Government, the… pic.twitter.com/N31Y2pmj7P

— Nikil Murukan (@onlynikil) September 26, 2025

தேவாவுக்கு கிடைத்த இந்த அங்கீகாரம், தமிழ் இசையின் மகத்துவம் உலக அரங்கில் இன்னுமொரு முறை பெருமையோடு ஒலிப்பதற்கான சான்றாக பார்க்கப்படுகிறது.