அதிக சாப்பிடும் பழக்கத்தைக் குறைக்கும் வழிகள்

உணவு மனிதர்களின் வாழ்வில் அடிப்படைத் தேவையாக இருந்தாலும், சிலருக்கு அது பழக்கமாக மாறி விடுகிறது. குறிப்பாக மனஅழுத்தம், கவலை, அல்லது தனிமை காரணமாக பலர் தேவையைவிட அதிகமாக சாப்பிடும் நிலைக்கு தள்ளப்படுகிறார்கள்.

இது காலப்போக்கில் உடல் எடை அதிகரிப்பு, வயிற்று கொழுப்பு, நீரிழிவு மற்றும் இதய நோய் போன்ற பிரச்சனைகளை ஏற்படுத்தக்கூடும். எனவே அதிக சாப்பிடும் பழக்கத்தை கட்டுப்படுத்த இயற்கை வழிகளைப் பின்பற்றுவது மிகவும் முக்கியம்.

முதலில் தினசரி வாழ்க்கையில் தண்ணீர் குடிக்கும் பழக்கம் அதிக சாப்பிடுதலை குறைக்க உதவும். பல நேரங்களில் பசியென தோன்றினாலும், அது உண்மையில் தாகமாக இருக்கக்கூடும். உணவு எடுத்துக்கொள்ளும் முன் ஒரு கண்ணி தண்ணீர் குடிப்பதால் வயிறு நிரம்பிய உணர்வு ஏற்பட்டு தேவையற்ற அதிக சாப்பிடுதல் தடுக்கப்படும்.

அடுத்ததாக மெதுவாக சாப்பிடும் பழக்கம் வளர்த்துக்கொள்ள வேண்டும். பலர் வேகமாக சாப்பிடுவதால், வயிறு நிறைவடைந்த உணர்வு மூளைக்கு தாமதமாக சென்று அதிகமாக சாப்பிட நேரிடுகிறது. மெதுவாக நன்றாக மென்று சாப்பிடுவதால் வயிறு நிரம்பிய உணர்வு விரைவாக தோன்றும்.

உணவு நேரத்தை ஒழுங்காக வைத்துக்கொள்வதும் மிக அவசியம். சிலர் காலை உணவை தவிர்த்து மதியத்தில் அதிகமாக சாப்பிடுவார்கள். இதனால் ஜீரணக் கோளாறுகள் உருவாகும். தினமும் ஒரே நேரத்தில் சீரான உணவுகளை எடுத்துக்கொள்வது, பசியைக் கட்டுப்படுத்தி உடலை ஆரோக்கியமாக வைத்திருக்கும்.

மேலும் பழங்கள் மற்றும் காய்கறிகள் அதிகம் உட்கொள்வது சிறந்த வழியாகும். இவைகளில் இருக்கும் நார்ச்சத்து வயிறு நிறைவாக உணர வைக்கும். அதோடு ஜங்க் புட், இனிப்பு, எண்ணெய் வறுத்த உணவுகளை குறைத்து விட்டால், அதிக சாப்பிடும் பழக்கம் மெதுவாகக் குறையும்.

இதைத் தவிர தியானம் மற்றும் யோகா போன்றவற்றைச் செய்யும் பழக்கமும் மனஅழுத்தத்தைக் குறைத்து தேவையற்ற சாப்பிடும் விருப்பத்தை கட்டுப்படுத்தும்.

மொத்தத்தில் அதிக சாப்பிடும் பழக்கத்தை மாற்றிக்கொள்வது ஒரே நாளில் சாத்தியமில்லை. ஆனால் தினசரி சிறு முயற்சிகளின் மூலம் இயற்கையான வழிகளில் இதை கட்டுப்படுத்தினால், உடல்நலம் காக்கப்பட்டு ஆரோக்கியமான வாழ்க்கை முறைக்கு நாம் நகர முடியும்.