60 வயதிலும் இளமைத் தோற்றம் - நீதா அம்பானியின் ரகசியம்!

இந்தியாவின் முன்னணி தொழிலதிபர் முகேஷ் அம்பானியின் மனைவியும், ரிலையன்ஸ் ஃபவுண்டேஷன் நிறுவனர் தலைவருமான நீதா அம்பானி, தனது வயதை மிஞ்சும் இளமைத் தோற்றத்தால் ரசிகர்களையும் ஊடகங்களையும் எப்போதும் கவர்ந்துள்ளார். 60 வயதை கடந்தும் அவரது சருமத்தின் மினுமினுப்பு, முகத்தின் இளமைத் ததும்பல், அவரின் தனிப்பட்ட பராமரிப்பு மற்றும் ஒழுக்கமான வாழ்க்கை முறையின் விளைவாகும்.

1963 நவம்பர் 1 அன்று மும்பையில் பிறந்த நீதா அம்பானி, ஒரு நடுத்தரக் குடும்பத்தில் வளர்ந்தவர். எளிமையுடனும், பண்புடனும் வாழும் நபராகவும், உலகளவில் சிறந்த வணிக பெண்களில் ஒருவராகவும் விளங்குகிறார். மூன்று குழந்தைகளுக்கும் பாட்டியுமான இவர், இன்னும் அழகு, ஆரோக்கியம், ஒளிவீசும் முகம் என அனைவரையும் ஆச்சரியப்படுத்துகிறார்.

அவரின் தினசரி அழகு பராமரிப்பு நடைமுறை மிகச் சிறப்பானது. நீதா அம்பானி பின்பற்றும் 5 முக்கிய அழகு ரகசியங்கள் இங்கே:

1. தண்ணீரே உயிர்


நீதா அம்பானி தினமும் போதுமான அளவு தண்ணீர் குடிப்பதோடு, தண்ணீர்ச் சத்து நிறைந்த பழங்கள் மற்றும் காய்கறிகள் — குறிப்பாக தர்பூசணி மற்றும் வெள்ளரிக்காய் — தனது உணவில் சேர்க்கிறார். உடல் ஈரப்பதத்தை தக்க வைத்துக் கொள்ளும் இந்த பழக்கம் அவரது சருமத்தை இயற்கையாக ஒளிவீசச் செய்கிறது. மேலும், தியானம் மற்றும் ஓய்வூட்டும் மனநிலை அவரின் அழகில் பெரும் பங்கு வகிக்கிறது.

2. ஒழுக்கமான சரும பராமரிப்பு


அவர் தினசரி முகத்தை சுத்தம் செய்தல், டோனர், எக்ஸ்ஃபோலியேஷன், மற்றும் மாய்ஸ்சரைசர் போன்ற நடைமுறைகளை தவறாமல் பின்பற்றுகிறார். சூரியக் கதிர்களிலிருந்து பாதுகாப்பதற்காக SPF கொண்ட சன்ஸ்கிரீன் அவசியம் பயன்படுத்துகிறார். இதனால் அவரது முகத்தின் pH சமநிலை காப்பாற்றப்படுகிறது.

3. உடற்பயிற்சிக்கு முக்கியத்துவம்


நீதா அம்பானி வாரத்தில் 5 முதல் 6 நாட்கள் உடற்பயிற்சி செய்கிறார். யோகா, நீச்சல், ஸ்ட்ரெச்சிங், மற்றும் கார்டியோ போன்ற பயிற்சிகள் மூலம் உடல் வலிமை மற்றும் நெகிழ்வுத் தன்மையை பராமரிக்கிறார். இதுவே அவரின் இயற்கையான குளோவின் இரகசியம்.

4. சிறப்பு சீரம்கள்


அவர் சரும பராமரிப்பில் ஆன்டி-ஆக்ஸிடன்ட் சத்து நிறைந்த சீரம்களைப் பயன்படுத்துகிறார். இவை முகத்தில் காணப்படும் சிறிய கோடுகள், கரும்புள்ளிகள் மற்றும் மந்த நிறத்தை நீக்கி சருமத்தை நெகிழ்வாகவும் இளமையாகவும் வைத்திருக்க உதவுகின்றன.

5. ஆரோக்கியமான உணவு பழக்கம்


நீதா அம்பானி தனது உடலை ஒரு ஆலயமாகக் கருதி பராமரிக்கிறார். காலை உணவில் உலர் பழங்கள், முட்டை வெள்ளை ஓம்லெட், மற்றும் பீட்ரூட் ஜூஸ் அடங்கும். இவை அவருக்கு தேவையான புரதம், வைட்டமின்கள் மற்றும் தாதுக்கள் அனைத்தையும் வழங்குகின்றன.

எளிமையான வாழ்க்கை, ஆரோக்கியமான பழக்கங்கள், ஒழுக்கமான பராமரிப்பு இவை மூன்றுமே நீதா அம்பானியை 60 வயதிலும் இளமையாகவும், அழகாகவும் வைத்திருக்கின்றன. அவரது அழகு மற்றும் தன்னம்பிக்கை உலகம் முழுவதும் பெண்களுக்கு ஒரு உண்மையான ஊக்கமாக மாறியுள்ளது