FIFA: 24 மணி நேரத்தில் 15 இலட்சம் டிக்கெட் விண்ணப்பம்

FIFA தெரிவித்ததாவது, 2026 உலகக் கோப்பை கால்பந்து போட்டிக்கான முன்பதிவு லாட்டரி தொடங்கிய 24 மணி நேரத்துக்குள், 210 நாடுகளிலிருந்து 15 இலட்சத்துக்கும் மேற்பட்ட டிக்கெட் விண்ணப்பங்கள் கிடைத்துள்ளன.

இந்த அபாரமான உலகளாவிய ஆர்வம் பெரும்பாலும் அமெரிக்கா, மெக்சிகோ மற்றும் கனடாவிலிருந்து வந்துள்ளது. அடுத்து அர்ஜென்டினா, கொலம்பியா, பிரேசில், இங்கிலாந்து, ஸ்பெயின், போர்ச்சுகல் மற்றும் ஜெர்மனி ஆகிய நாடுகளும் அதிக ஆர்வம் காட்டியுள்ளன.

48 அணிகளுடன் விரிவாக்கப்பட்டுள்ள இந்த உலகக் கோப்பை, அமெரிக்கா, கனடா மற்றும் மெக்சிகோ ஆகிய மூன்று நாடுகளில் நடத்தப்பட உள்ளது. மொத்தம் 16 நகரங்களில் 104 ஆட்டங்கள் நடைபெறவுள்ளன.

லாட்டரி பதிவு செப்டம்பர் 19 மதியம் 11:00 ET (17:00 CET) வரை திறந்துள்ளது. பதிவு செய்யும் நேரம், டிக்கெட் கிடைக்கும் வாய்ப்பில் எந்த மாற்றத்தையும் ஏற்படுத்தாது.

வெற்றி பெற்ற விண்ணப்பதாரர்களுக்கு செப்டம்பர் 29 முதல் மின்னஞ்சல் மூலம் அறிவிக்கப்படும். அவர்களுக்கு அக்டோபர் 1 முதல் குறிப்பிட்ட நேர இடைவெளியில் டிக்கெட்டுகள் வாங்கும் வாய்ப்பு வழங்கப்படும்.

டிக்கெட் விலை 60 அமெரிக்க டொலர் முதல் தொடங்குகிறது. ஆனால் முதல் கட்ட விற்பனையில் சந்தை தேவை அடிப்படையில் (dynamic pricing) விலை மாறுபடும். கூடுதலான டிக்கெட் விற்பனை கட்டங்கள் அக்டோபர் மாதம் தொடங்க உள்ளன.