போலீஸ் சுற்றிவளைப்பு – 736 பேர் கைது

இலங்கை முழுவதும் குற்றச் செயல்களைத் தடுக்கும் வகையிலும், போதைப்பொருள் தொடர்பான செயல்களை கட்டுப்படுத்துவதற்கும் நேற்று (18) சிறப்பு போலீஸ் சுற்றிவளைப்புகள் மேற்கொள்ளப்பட்டன.

இச்சிறப்பு நடவடிக்கைகளின் போது மொத்தம் 736 சந்தேகநபர்கள் கைது செய்யப்பட்டதாக இலங்கை போலீஸ் அறிவித்துள்ளது.

தீவெங்குமாக உள்ள அனைத்து பிராந்திய போலீஸ் பிரிவுகளிலும் ஒரே நேரத்தில் இந்த நடவடிக்கைகள் மேற்கொள்ளப்பட்டன. இந்நிலையில், சோதனையின் போது 28,705 நபர்கள் பரிசோதிக்கப்பட்டதாகவும் தெரிவிக்கப்பட்டுள்ளது.

மேலும், மது அருந்திய நிலையில் வாகனம் ஓட்டிய 50 பேர் கைது செய்யப்பட்டதுடன், பாதுகாப்பற்ற முறையில் வாகனம் ஓட்டிய 20 பேர் தனியே கைது செய்யப்பட்டுள்ளதாகவும் போலீசார் தெரிவித்துள்ளனர்.

போதைப்பொருள் மற்றும் குற்றச்செயல்களை ஒழிக்க தொடர்ந்து தீவெங்கும் இத்தகைய நடவடிக்கைகள் மேற்கொள்ளப்படும் என்றும் அதிகாரிகள் குறிப்பிட்டுள்ளனர்.