புறக்கோட்டை பேருந்து நிலையம் மறுசீரமைப்பு ஆரம்பம்

புறக்கோட்டை மத்திய பேருந்து நிலையம் (Pettah Central Bus Stand) 1964 ஆம் ஆண்டில் கட்டப்பட்டதிலிருந்து சுமார் ஆறு தசாப்தங்கள் கழித்து இன்று (15) ஜனாதிபதி அனுரா குமார திஸாநாயக்க தலைமையில் முழுமையான மறுசீரமைப்பு பணிகள் ஆரம்பிக்கப்படவுள்ளன.

இந்த திட்டத்திற்காக ரூ.424 மில்லியன் செலவிடப்படவுள்ளதாக தெரிவிக்கப்பட்டுள்ளது.

புதிய கழிப்பறைகள், தகவல் மற்றும் தொடர்பு மையங்கள், மேம்படுத்தப்பட்ட பாதுகாப்பு அமைப்புகள் உள்ளிட்ட பல நவீன வசதிகள் இம்மறுசீரமைப்பு திட்டத்தின் கீழ் உருவாக்கப்படவிருக்கின்றன.

இப்பணிகள் இலங்கை வான்படை (Sri Lanka Air Force) பொறுப்பில் மேற்கொள்ளப்படுவதாகவும் குறிப்பிடப்பட்டுள்ளது.

இதற்கிடையில், கொழும்பு மருதானை ரயில் நிலையத்திலும் இன்று முதல் மறுசீரமைப்பு பணிகள் ஆரம்பிக்கப்படவுள்ளன. "க்ளீன் இலங்கை திட்டம்" (Clean Sri Lanka Project) கீழ் நடைமுறைக்கு வரும் "ட்ரீம் டெஸ்டினேஷன்" (Dream Destination) திட்டத்தின் ஒரு பகுதியாக இப்பணிகள் தொடங்கப்படுகின்றன.

பழமை வாய்ந்த வரலாற்றுச் சிறப்பும் கட்டிடக் கலைத் தனிச்சிறப்பும் காக்கப்பட்டவாறு மருதானை ரயில் நிலைய மறுசீரமைப்பு பணிகள் மேற்கொள்ளப்படும் என அதிகாரிகள் தெரிவித்துள்ளனர்.