அமெரிக்கா செல்லும் இலங்கை ஜனாதிபதி - வெளியான காரணம்

இன்று (22) ஜனாதிபதி அனுரா குமார திசாநாயக்க அமெரிக்கா நோக்கி பயணம் மேற்கொள்ள உள்ளார்.

இந்த விஜயத்தின் போது, ஜனாதிபதி ஐக்கிய நாடுகள் பொதுச் சபையின் 80ஆவது அமர்வில் (UNGA) கலந்துகொள்ளவுள்ளார். ஜனாதிபதி ஊடகப் பிரிவின் தகவலின்படி, வருகிற புதன்கிழமை (24) பிற்பகல் 3.15 மணிக்கு ஜனாதிபதி பொதுச் சபையில் உரையாற்றவுள்ளார்.

அதேவேளை, ஐக்கிய நாடுகள் பொதுச் செயலாளர் மற்றும் பல்வேறு உலகத் தலைவர்களுடனும் ஜனாதிபதி இருதரப்பு பேச்சுவார்த்தைகளை நடத்த உள்ளார்.

மேலும், அமெரிக்காவில் வசிக்கும் இலங்கையர் சமூகத்தினருடனும் ஜனாதிபதி சந்திப்பில் ஈடுபடவுள்ளார்.

இந்த உத்தியோகபூர்வ விஜயத்தில், வெளிநாட்டு விவகாரங்கள், வெளிநாட்டு வேலைவாய்ப்புகளில் அமைச்சர் விஜித ஹேரத் ஜனாதிபதியுடன் இணைந்து செல்லவுள்ளார்.