ரன்வீர்-தீபிகா தம்பதி மகளுடன் தீபாவளி கொண்டாட்டம்

பாலிவுட் நட்சத்திர தம்பதிகள் ரன்வீர் சிங் மற்றும் தீபிகா படுகோன் தீபாவளி பண்டிகையை குடும்பத்துடன் கொண்டாடி, தங்களின் மகளுடன் எடுத்த அழகான புகைப்படங்களை சமூக வலைதளங்களில் பகிர்ந்துள்ளனர். இதன் மூலம், ரசிகர்களுக்கு தங்களின் மகள் துவாவை முதல்முறையாக அறிமுகப்படுத்தியுள்ளனர்.

2018 ஆம் ஆண்டு இத்தாலியில் திருமணம் செய்து கொண்ட ரன்வீர் – தீபிகா தம்பதிக்கு, கடந்த ஆண்டு செப்டம்பர் மாதம் மகள் பிறந்தார். “துவா” என்று பெயரிட்ட அவர்களின் மகளை இதுவரை ஊடகங்களிடமோ சமூக வலைதளங்களிலோ காட்டாமல் இருந்தனர். ஆனால் இம்முறை தீபாவளி கொண்டாட்டத்தில் எடுத்த குடும்ப புகைப்படங்கள் வைரலாகி ரசிகர்களின் கவனத்தை ஈர்த்துள்ளன.

புகைப்படங்களில் துவா தீபிகாவைப் போல் இருப்பதாக பலரும் கருத்து தெரிவித்துள்ளனர். பாரம்பரிய உடையில் மகளுடன் புன்னகையுடன் போஸ் கொடுத்த ரன்வீர் – தீபிகா தம்பதியரை ரசிகர்கள் பெரிதும் பாராட்டி வருகின்றனர்.

View this post on Instagram

A post shared by दीपिका पादुकोण (@deepikapadukone)

இதே நேரத்தில் ரன்வீர் சிங் தற்போது நடித்து வரும் “துரந்தர்” திரைப்படத்தின் ஃபர்ஸ்ட் லுக் போஸ்டர் சமீபத்தில் வெளியானது. அந்த போஸ்டர் ரசிகர்களிடையே பெரும் வரவேற்பைப் பெற்றுள்ளது. மறுபுறம், தீபிகா படுகோன் தனது அடுத்தடுத்த திரைப்பட ஒப்பந்தங்களை நிதானமாக தேர்வு செய்து வருவதாக தகவல்கள் தெரிவிக்கின்றன.

இந்த தீபாவளி புகைப்படங்கள் தற்போது பாலிவுட் சமூக வலைதளங்களில் வைரலாகி, தம்பதியரின் குடும்ப வாழ்க்கை மீதான ரசிகர்களின் அன்பை மீண்டும் ஒருமுறை வெளிப்படுத்தியுள்ளது.