முடி உதிர்வை குறைக்கும் அற்புதமான அரிசி வடித்த நீர்

முடி உதிர்வு என்பது பலருக்கும் தொந்தரவு தரும் ஒரு பெரிய பிரச்சினையாக உள்ளது. விலை உயர்ந்த ஹேர் ட்ரீட்மென்ட், கெமிக்கல் அடிப்படையிலான தயாரிப்புகள் எல்லாம் பயன்படுத்தியும் சில நேரங்களில் எதிர்பார்த்த பலன் கிடைக்காமல் போகிறது.

ஆனால், நம் சமையலறையில் கிடைக்கும் எளிய ஒரு இயற்கை மருந்து தான் முடி ஆரோக்கியத்திற்கு அற்புதமான பலன் தரும் அது அரிசி வடித்த நீர்.

அரிசி வடித்த நீரில் வைட்டமின் B, E, அமினோ அமிலங்கள், ஆன்டி ஆக்ஸிடென்ட்கள் நிறைந்துள்ளன.

இது முடி வேர் வலுப்படுத்த, உதிர்வை குறைக்க, பொடுகை கட்டுப்படுத்த, முடியை மென்மையாக்க சிறப்பாக உதவுகிறது.

குறிப்பாக, அரிசி நீரில் உள்ள இனோசிடால் என்ற பொருள், முடி முறிவு மற்றும் சேதத்தை சரிசெய்யும் தன்மை கொண்டது.

அரிசி வடித்த நீரை பயன்படுத்தும் முறை மிக எளிது. அரிசி சமைக்க எடுத்த நீரை சற்று ஆறிய பிறகு முடியில் தடவி 20–30 நிமிடங்கள் ஊறவிடவும்.

பின்னர் சாதாரண தண்ணீரால் அலசவும். வாரத்தில் 2 முறை இதை பயன்படுத்தினால் மிகச்சிறந்த பலன் கிடைக்கும்.

தொடர்ந்து இதைப் பயன்படுத்தி வந்தால், முடி வேகமாக வளருவதோடு, உதிர்வும் குறையும். உலர்ந்த மற்றும் உயிரற்ற முடிக்கு மென்மையும் ஒளிவீச்சும் கிடைக்கும்.

இயற்கையான, பக்கவிளைவில்லாத ஹேர் டானிக்காக இதை வீட்டிலேயே பயன்படுத்தலாம்.