மூன்றாவது மனைவியுடனும் பிரிவு என்கிறாரா சோயப் மாலிக்?

பாகிஸ்தான் கிரிக்கெட் அணியின் முன்னாள் கேப்டன் சோயப் மாலிக் மீண்டும் தனது திருமண வாழ்க்கையில் பிரச்சனைகளை சந்தித்து வருவதாக பாகிஸ்தான் மீடியாக்களில் செய்திகள் வெளியாகி ரசிகர்களை அதிர்ச்சியில் ஆழ்த்தியுள்ளது.

சோயப் மாலிக் முதன்முதலில் 2001 ஆம் ஆண்டு ஆயிஷா சித்திகி என்பவரை திருமணம் செய்துகொண்டார். ஆனால் இருவருக்கும் இடையே ஏற்பட்ட கருத்து வேறுபாடுகள் காரணமாக 2009 ஆம் ஆண்டு அந்த திருமணம் முடிவுக்கு வந்தது. அதன்பின் 2010 ஆம் ஆண்டு இந்திய டென்னிஸ் வீராங்கனை சானியா மிர்சாவை காதலித்து திருமணம் செய்து அனைவரையும் ஆச்சரியப்படுத்தினார்.

அவர்களுக்கு 2018ஆம் ஆண்டு ஒரு மகன் பிறந்திருந்தது. ஆனால் திருமண வாழ்க்கையில் ஏற்பட்ட பிரச்சனைகளால், சோயப் மாலிக் மற்றும் சானியா மிர்சா 2024ல் பிரிந்து சென்றனர். பின்னர் அதே ஆண்டு பாகிஸ்தான் நடிகை சனா ஜாவேத்வை சோயப் மாலிக் மூன்றாவது முறையாக மணந்தார்.

ஆனால் தற்போது அவர்களுக்குள் கூட உறவு சரியில்லையெனவும், பிரிவை நோக்கி செல்கிறார்கள் எனவும் சில ஊடகங்கள் செய்தி வெளியிட்டுள்ளன. இதனால் சோயப் மாலிக்கின் ரசிகர்கள் மீண்டும் அதிர்ச்சியடைந்துள்ளனர். எனினும், இதுகுறித்து சோயப் மாலிக் அல்லது சனா ஜாவேத் இருவரும் இதுவரை எந்தவிதமான அதிகாரப்பூர்வ விளக்கமும் வழங்கவில்லை.

இந்த செய்தி சமூக வலைதளங்களில் வேகமாக வைரலாகி வரும் நிலையில், பலரும் “மீண்டும் ஒருமுறை சோயப் மாலிக்கின் திருமண வாழ்க்கை சர்ச்சையாக மாறுமா?” என்ற கேள்வியை எழுப்பி வருகின்றனர்.