கொட்டக்கலையில் பாரம்பரிய சிலம்பக் கலை விழா

இலங்கையின் பாரம்பரிய போர்க்கலைகளில் முக்கியமான சிலம்பக் கலை, சர்வதேச அளவிற்கு வளர்ந்து வரும் நிலையில் கொட்டக்கலை ரிஷிகேஷ் மண்டபத்தில் நடைபெற்ற சிலம்ப அரங்கேற்றமும் விருது வழங்கும் விழாவும் அனைவரையும் கவர்ந்திழுத்தது. இவ்விழாவை இலங்கை சிலம்பம் சம்மேளனம் சிறப்பாக ஏற்பாடு செய்திருந்தது.

விழாவிற்கு தலைமை தாங்கியவர் கந்தசாமி நாயுடு. ஒருங்கிணைப்பாளராக கலாரத்ன விபூசனன் மற்றும் அரச விருது பெற்ற சிலம்ப ஆசான் ரா. திவாகரன் பணியாற்றினர்.

விழாவில் பங்கேற்ற மாணவர்கள் பல்வேறு சிலம்ப வடிவங்களை அழகிய அசைவுகளுடன் வெளிப்படுத்தி பார்வையாளர்களை கவர்ந்தனர். ஒவ்வொரு அசைவும் ஒழுக்கம், தன்னம்பிக்கை, உடல்-மனம் வலிமை ஆகியவற்றின் பிரதிபலிப்பாக அமைந்தது. சிலம்பம் வெறும் போர்க்கலை அல்ல, பாரம்பரியக் கல்வி என்ற செய்தியை அரங்கேற்றங்கள் மீண்டும் வலியுறுத்தின.

சிலம்பக் கலையின் வளர்ச்சிக்கு பங்களித்த வீரர்கள், ஆசிரியர்கள், மாணவர்கள் ஆகியோருக்கு விழாவில் சிறப்பு விருதுகள் வழங்கப்பட்டன. அவர்களின் அர்ப்பணிப்பும் உழைப்பும் கௌரவிக்கப்பட்டது.

இந்த நிகழ்வில் ரகு இந்திரகுமார் சிறப்பு அதிதியாக கலந்துகொண்டார்.