இஸ்ரேல் துப்பாக்கிச் சூடு – 6 பலஸ்தீனர்கள் பலி

இஸ்ரேல் இராணுவம் செவ்வாய்க்கிழமை காசா வடபகுதியில் அதன் படைகளுக்கு அண்மையில் வந்ததாகக் கூறப்படும் சில சந்தேக நபர்களை குறிவைத்து துப்பாக்கிச் சூடு நடத்தியது. இதனால் குறைந்தது ஆறு பலஸ்தீனர்கள் உயிரிழந்ததாக காசா சுகாதார அதிகாரிகள் தெரிவித்துள்ளனர்.

இஸ்ரேல் இராணுவத்தின் அறிக்கையின்படி, அந்த நபர்கள் அமெரிக்காவின் நடுநிலை முயற்சியில் உருவான சமாதான ஒப்பந்தத்தின் கீழ் இஸ்ரேல் படைகள் பின்வாங்கிய எல்லைப்பகுதியை மீறி நுழைந்ததாக கூறப்படுகிறது. இதன் மூலம் ஒப்பந்தம் மீறப்பட்டதாக இஸ்ரேல் குற்றம் சாட்டியுள்ளது.

காசா சுகாதார அதிகாரிகள் தெரிவித்ததாவது, செவ்வாய்க்கிழமை நடைபெற்ற இரண்டு தனித்தனி சம்பவங்களில் மொத்தம் ஆறு பலஸ்தீனர்கள் இஸ்ரேல் துப்பாக்கிச் சூட்டில் உயிரிழந்துள்ளனர்.

இந்நிலையில், திங்கட்கிழமை ஹமாஸ் குழு காசாவில் இருந்த கடைசி உயிருடன் இருந்த இஸ்ரேல் சிறை கைதிகளை விடுவித்தது. அதே சமயம், இஸ்ரேல் அரசும் பலஸ்தீன சிறை கைதிகளை பேருந்துகளில் அனுப்பி வீட்டுக்கு திருப்பி அனுப்பியது.

இச்சமாதான ஒப்பந்தத்தின் பின்னணியில், அமெரிக்க அதிபர் டொனால்ட் டிரம்ப், மத்திய கிழக்கு பகுதியில் கடந்த இரண்டு ஆண்டுகளாக நீடித்து வந்த போரின் முடிவை அதிகாரப்பூர்வமாக அறிவித்தார்.

ஆனால் சமாதான ஒப்பந்தத்திற்குப் பின்னரும் எல்லைப் பகுதியில் வன்முறைகள் தொடர்வது, காசா நிலைமை மீண்டும் பதற்றமடைந்துள்ளதாக சர்வதேச சமூகம் கவலை வெளியிட்டு வருகிறது.