ஸ்மிருதி மந்தனாவிற்கு திருமணம் - அதிர்ச்சியில் ரசிகர்கள

இந்திய மகளிர் கிரிக்கெட் அணியின் அழகிய நட்சத்திர வீராங்கனை ஸ்மிருதி மந்தனாவின் திருமண செய்தி தற்போது சமூக ஊடகங்களில் வைரலாகி வருகிறது. இந்திய அணியின் துணைக் கேப்டனாகவும், உலகளவில் பெரும் ரசிகர்களை கொண்டவராகவும் இருக்கும் ஸ்மிருதி மந்தனா, விரைவில் மணம் முடிக்கவிருக்கிறார் என நம்பத்தகுந்த வட்டாரங்கள் தெரிவிக்கின்றன.

29 வயதான ஸ்மிருதி மந்தனா, தனது மென்மையான பேட்டிங் திறமையால் இந்திய அணிக்காக பல வெற்றிகளைப் பெற்றுத் தந்துள்ளார். 2013ல் சர்வதேச அரங்கில் அறிமுகமான இவர், தற்போது மகளிர் கிரிக்கெட்டில் மிகப்பெரிய பிரபலமாக உயர்ந்துள்ளார்.

தற்போது வெளிவந்த தகவலின்படி, ஸ்மிருதி மந்தனா இசையமைப்பாளர் பலாஷ் முச்சலுடன் நெருக்கமாக பழகி வருவதாக கூறப்படுகிறது. பலாஷ் முச்சல், பிரபல பாடகி பலக் முச்சலின் சகோதரர் என்பதும் குறிப்பிடத்தக்கது. இவர் சில ஹிந்தி திரைப்படங்களுக்கும் ஆல்பங்களுக்கும் இசை அமைத்துள்ளார்.

இவர்கள் இருவரும் கடந்த சில ஆண்டுகளாக நண்பர்களாக இருந்து, தற்போது உறவு திருமணமாக மாறியுள்ளதாக கூறப்படுகிறது. இதுகுறித்து இருவரும் இதுவரை எந்தவிதமான அதிகாரப்பூர்வ அறிவிப்பையும் வெளியிடவில்லை என்றாலும், சமூக ஊடகங்களில் ரசிகர்கள் வாழ்த்து மழையில் மந்தனாவை மூழ்கடித்து வருகின்றனர்.

ஸ்மிருதி மந்தனாவுக்கு இன்ஸ்டாகிராமில் மட்டும் ஒரு கோடியே 30 லட்சத்திற்கும் அதிகமான பின்தொடர்பவர்கள் உள்ளனர். இதனால், இவரது திருமண அறிவிப்பு வெளியாகும் நாளில் முழு இணையமும் கொண்டாட்டமயமாக மாறும் என ரசிகர்கள் எதிர்பார்க்கின்றனர்.

இந்நிலையில், திருமண தேதி மற்றும் இடம் குறித்து விரைவில் அதிகாரப்பூர்வ தகவல் வெளியாகும் என அண்மையில் வெளியாகியுள்ள செய்திகள் தெரிவிக்கின்றன. இந்திய கிரிக்கெட் ரசிகர்களுக்கு இது மிகுந்த உற்சாகமான செய்தியாக மாறியுள்ளது.