அடுத்த ஆண்டு இலங்கையில் டிஜிட்டல் அடையாள அட்டை!

இலங்கையின் முதல் டிஜிட்டல் அடையாள அட்டை 2026 ஆம் ஆண்டின் மூன்றாம் காலாண்டில் வழங்கப்படும் என்று அதிபர் அனுரா குமார திசாநாயக்க தெரிவித்துள்ளார்.

பல தரப்பினரிடமிருந்து எழுந்துள்ள கவலைகளைப் பொருட்படுத்தாமல், பொதுமக்களின் தனிப்பட்ட தகவல்கள் மிகுந்த பாதுகாப்புடன் கையாளப்படும் என அவர் உறுதியாகக் கூறியுள்ளார்.

அதிபர் மேலும் தெரிவித்ததாவது, இலங்கையில் டிஜிட்டல் பொருளாதாரத்தை உருவாக்குவதற்கான பல முக்கியமான நடவடிக்கைகள் தற்போது முன்னெடுக்கப்பட்டுள்ளன.

இதில் இலங்கை யூனிக் டிஜிட்டல் அடையாள (SLUDI) திட்டம், தேசிய தரவு பரிமாற்ற மையம் (National Data Exchange), லங்கா கவர்மென்ட் கிளவுட் அமைப்பின் மேம்பாடு, மற்றும் அரசாங்க சேவைகளை ஒரே தளத்தில் வழங்கும் சிறப்பு மென்பொருள் உருவாக்கம் ஆகியவை அடங்கும்.

மேலும், 2026 ஆரம்பத்தில் யூனிக் டிஜிட்டல் அடையாள அட்டை குறித்து பொதுமக்களுக்கு விழிப்புணர்வு நிகழ்ச்சி தொடங்கப்படும் என்றும், அதன் பின்னர் மூன்றாம் காலாண்டில் முதல் டிஜிட்டல் அடையாள அட்டை வழங்கப்படும் என்றும் அதிபர் திசாநாயக்க அறிவித்துள்ளார்.

இந்த முயற்சியின் மூலம் இலங்கையில் நிர்வாக செயல்பாடுகள், அரச சேவைகள் மற்றும் பொருளாதார பரிமாற்றங்கள் அனைத்தும் முழுமையான டிஜிட்டல் வடிவமைப்பில் நடைபெறும் என அரசாங்கம் எதிர்பார்க்கிறது.