Taylor Swift புதிய ஆல்பம் UK-யில் சாதனை

அமெரிக்க பாடகி டெய்லர் ஸ்விஃப்ட் தனது புதிய இசை ஆல்பமான “The Life of a Showgirl” மூலம் 2025ஆம் ஆண்டின் மிகப்பெரிய தொடக்க விற்பனையை பதிவு செய்துள்ளார். கடந்த வெள்ளிக்கிழமை முதல் இதுவரை 3,04,000 பிரதிகள் விற்று, இந்த ஆண்டு இங்கிலாந்தில் வெளியான அனைத்து ஆல்பங்களையும் முந்தியுள்ளார்.

இந்த எண்ணிக்கை, 2024ஆம் ஆண்டில் வெளியான The Tortured Poets Department (2,70,000 பிரதிகள்) மற்றும் 2022ஆம் ஆண்டின் Midnights (2,04,000 பிரதிகள்) ஆகிய ஸ்விஃப்ட் வெளியிட்ட கடந்த இரண்டு ஆல்பங்களின் தொடக்க விற்பனையையும் கடந்து சென்றுள்ளது. மூன்று நாட்களுக்குள் இவர் எட் ஷீரனின் 2017ஆம் ஆண்டு Divide ஆல்பம் (6,72,000 பிரதிகள்) விற்பனையுக்குப் பிறகு, மிகப்பெரிய தொடக்க சாதனையை நிகழ்த்தியுள்ளார்.

மேலும், The Life of a Showgirl தற்போது 2025ஆம் ஆண்டின் மிக அதிகமாக விற்ற ஆல்பமாக மாறும் வாய்ப்பும் அதிகம் என மதிப்பிடப்படுகிறது. தற்போது அந்த பட்டம் சப்ரீனா கார்பெண்டரின் Short N’ Sweet ஆல்பத்திடம் உள்ளது; அது ஜனவரி முதல் 4,44,000 பிரதிகள் விற்றுள்ளது.

அமெரிக்காவிலும் டெய்லர் ஸ்விஃப்ட் புதிய சாதனை படைத்துள்ளார். ஆல்பம் வெளியான முதல் நாளிலேயே 27 இலட்சம் பிரதிகள் விற்று, இவரது கேரியரில் மிகப்பெரிய விற்பனை வாரமாக மாறியுள்ளது.

இது 1991ஆம் ஆண்டிலிருந்து (நவீன இசை பட்டியல்கள் கணக்கிடப்பட்ட காலம் முதல்) எந்த பாடகரும் பெற்றிராத இரண்டாவது மிகப்பெரிய விற்பனை சாதனையாகும். இதுவரை அந்த சாதனையை கடந்து சென்ற ஒரே ஆல்பம் அடேலின் 25, இது 2015ஆம் ஆண்டில் 33.78 இலட்சம் பிரதிகள் விற்றது.

மேலும், அமெரிக்காவில் ஒரு வாரத்தில் மிக அதிக வினைல் (vinyl) பதிவுகள் விற்ற ஆல்பம் என்ற புதிய சாதனையையும் ஸ்விஃப்ட் பெற்றுள்ளார். மொத்தம் 12 லட்சம் வினைல் பிரதிகள் விற்றுள்ளன. இது ஒரு பகுதியளவில் அவர் வெளியிட்ட எட்டு வெவ்வேறு கலெக்ஷன் பதிப்புகளால் நிகழ்ந்தது. இதற்கு முன் 2024ஆம் ஆண்டில் The Tortured Poets Department ஆல்பம் 8.59 லட்சம் பிரதிகள் விற்றது.

முக்கியமாக, இன்றைய இசைத்துறையில் ஆல்பம் விற்பனை குறைந்து வரும் நிலையில், ஸ்விஃப்டின் வெற்றி ஒரு அசாதாரண நிகழ்வாகக் கருதப்படுகிறது. இங்கிலாந்தில் இந்த ஆண்டில் 1 லட்சம் பிரதிகளை விட அதிகமாக விற்ற ஒரே ஆல்பம் சாம் பெண்டரின் People Watching ஆகும். எட் ஷீரனின் புதிய Play ஆல்பம் வெளியானபோது 67,000 பிரதிகளே விற்றது.

மேலும், டெய்லர் ஸ்விஃப்ட் தனது ஆல்பம் வெளியீட்டு வார இறுதியில் சினிமா பாக்ஸ் ஆபீஸிலும் முன்னிலை பெற்றுள்ளார். Taylor Swift: The Official Release Party Of A Showgirl என்ற 89 நிமிட திரைப்படம் மூலமாக அவர் $46 மில்லியன் டிக்கெட் விற்பனையைப் பதிவு செய்தார். இந்த நிகழ்வில் அவரது புதிய பாடல் The Fate Of Ophelia இசை வீடியோவும், ஆல்பம் தயாரிப்பு காட்சிகளும், பாடல்களைப் பற்றிய அவரது விளக்கங்களும் இடம்பெற்றன.

இந்த 12வது ஆல்பம், கடந்த வருடம் ஐரோப்பாவில் நடந்த Eras Tour நடுவே அவர் எழுதி பதிவு செய்ததாக கூறப்படுகிறது. இதில் அமெரிக்க புட்பால் வீரர் டிராவிஸ் கேல்சியுடன் அவரது காதல் அனுபவங்களும், இசைத்துறையில் ஏற்பட்ட சவால்களும் இடம்பெற்றுள்ளன.

இதைப் பற்றி விமர்சனங்கள் கலவையாகவே உள்ளன. Variety இதழ் இதை “பரவசமூட்டும் மற்றும் சந்தோஷமான ஆல்பம்” என பாராட்டியுள்ளதுடன், Financial Times இதனை “பளபளப்பு குறைவானது” என விமர்சித்துள்ளது.

இந்நிலையில் பேசிய டெய்லர் ஸ்விஃப்ட், இது தான் கடைசி ஆல்பம் என ரசிகர்கள் கருதும் வதந்திகளை மறுத்தார். “திருமணம் ஆன பிறகு வேலை நிறுத்துவது என்பது ஒரு அவமானகரமான கருத்து. அது மக்கள் திருமணம் செய்யும் காரணம் அல்ல,” என்று சிரித்தபடி அவர் கூறினார்.