TikTok vs YouTube Shorts: எதில் வருமானம் அதிகம்?

சமூக ஊடக உலகில் குறும் வீடியோக்கள் பெரிய புரட்சியை ஏற்படுத்தி உள்ளன. உலகளவில் இளைஞர்களிடையே பிரபலமான இரண்டு முக்கியமான குறும் வீடியோ தளங்கள் TikTok மற்றும் YouTube Shorts ஆகும்.

இரண்டிலும் பயனர்கள் எளிதாக குறுகிய வீடியோக்களை உருவாக்கி, பகிர்ந்து, பார்வையாளர்களை ஈர்க்கலாம். ஆனால் ஒரு கேள்வி எப்போதும் அனைவரின் மனதிலும் இருக்கிறது. இந்த இரண்டில் எது அதிக வருமானத்தை தருகிறது?

TikTok vs YouTube Shorts

TikTok உலகம் முழுவதும் மிகப்பெரிய பயனர் அடிப்படையைக் கொண்டுள்ளது. TikTok Creator Fund, TikTok Pulse Ads, பிராண்டு ஸ்பான்சர்ஷிப்கள் மற்றும் லைவ் கிப்ட்ஸ் போன்ற பல்வேறு முறைகள் மூலம் பயனர்கள் பணம் சம்பாதிக்கலாம்.

ஆனால், TikTok Creator Fund மூலம் கிடைக்கும் வருமானம் மிகவும் குறைவாக இருப்பதாக பல்வேறு க்ரியேட்டர்கள் குற்றம் சாட்டியுள்ளனர். அதிகமான பார்வையாளர்கள் இருந்தாலும், அதற்கேற்ற மாதிரி பணம் சம்பாதிக்க முடியாமல் போகிறது.

எனவே, TikTok-இல் உண்மையான பெரிய வருமானம் பெரும்பாலும் பிராண்டு ஒப்பந்தங்கள் மற்றும் ஸ்பான்சர்டு உள்ளடக்கம் மூலமே கிடைக்கிறது.

மாறாக YouTube Shorts, Google AdSense மற்றும் YouTube Partner Program (YPP) மூலம் க்ரியேட்டர்களுக்கு நம்பகமான வருமான வாய்ப்பை வழங்குகிறது.

வீடியோக்களில் ஓடும் விளம்பரங்கள் மூலம் க்ரியேட்டர்கள் நேரடியாக பணம் சம்பாதிக்க முடிகிறது. இதற்கு கூடுதலாக Super Chat, Super Thanks, Memberships போன்ற வசதிகள் YouTube-ல் இருப்பதால், உள்ளடக்கத்தை உருவாக்குபவர்கள் பல்வேறு வழிகளில் வருமானம் பெற முடிகிறது.

குறிப்பாக YouTube Shorts-க்கு 2023 முதல் புதிய வருவாய் பகிர்வு முறை அறிமுகப்படுத்தப்பட்டதால், அதிக பார்வையாளர்கள் கொண்ட குறும் வீடியோக்கள் நல்ல அளவு பணம் தருகின்றன.

ஆனால் முக்கிய வேறுபாடு என்னவென்றால், TikTok-இல் பணம் சம்பாதிப்பது பெரும்பாலும் வெளிப்புற ஒப்பந்தங்கள் மற்றும் பிராண்டு ஸ்பான்சர்ஷிப்கள் மூலம் இருக்கும்.

அதேசமயம் YouTube Shorts க்ரியேட்டர்களுக்கு விளம்பர வருவாயை நேரடியாக வழங்குகிறது. அதனால் YouTube-ல் நீண்டகாலத்திற்கு ஒரு நிலையான வருமானம் கிடைக்க வாய்ப்பு அதிகம்.

மொத்தத்தில் பார்க்கும்போது, விரைவாக பிரபலமாகி ஸ்பான்சர்ஷிப்கள் பெற விரும்புவோர் TikTok-ஐ தேர்வு செய்யலாம்.

ஆனால், நீண்ட காலம் ஒரு நிலையான வருமானம் மற்றும் நம்பகமான சூழலை விரும்புவோர் YouTube Shorts-ஐ தேர்வு செய்வது சிறந்தது.