உலகில் குறைந்த விலையில் இணையம் வழங்கும் நாடுகள்

இணையம் இன்று மனிதர்களின் வாழ்வில் அத்தியாவசிய தேவையாக மாறிவிட்டது. கல்வி, வேலை, பொழுதுபோக்கு, ஆன்லைன் வணிகம் என அனைத்திற்கும் இணையம் தேவைப்படுகிறது.

ஆனால் ஒவ்வொரு நாட்டிலும் இணையத் தரமும், அதன் விலையும் பெரிதும் மாறுபடுகிறது. சில நாடுகளில் இணையம் மிகவும் மலிவான விலையில் கிடைக்கின்றது.

சில நாடுகளில் மட்டுமே மக்கள் அதிக விலை செலுத்தி இணையம் பயன்படுத்த வேண்டிய நிலை உள்ளது.

உலகளாவிய அளவில் செய்யப்பட்ட ஆய்வுகள் மற்றும் தரவுகள் அடிப்படையில் தற்போது இணையச் சேவை மிகவும் குறைந்த விலையில் வழங்கப்படும் டாப் 10 நாடுகள் வெளியாகியுள்ளன.

இந்த பட்டியலில் அதிகம் இடம்பிடித்துள்ளவை ஆசியா, கிழக்கு ஐரோப்பா மற்றும் ஆப்ரிக்க நாடுகளாகும். இந்நாடுகளில் பெரும்பாலும் அதிக மக்கள் தொகையும், கடுமையான போட்டியும் காரணமாக இணைய சேவைகள் மலிவாகக் கிடைக்கின்றன.

சில நாடுகள் அரசு மானியம் அல்லது தனியார் நிறுவனங்களின் விலை குறைக்கும் கொள்கைகளால் இணையத்தை மலிவாக வழங்குகின்றன.

அவற்றில் முதல் இடத்தைப் பிடித்துள்ள நாடாக இஸ்ரேல் திகழ்கிறது. அந்நாட்டில் இணையச் சேவைகள் மாதந்தோறும் மிகக் குறைந்த கட்டணத்தில் கிடைக்கின்றன. இரண்டாவது இடத்தில் கிர்கிஸ்தான், மூன்றாவது இடத்தில் கஜகஸ்தான் ஆகிய நாடுகள் இடம்பெற்றுள்ளன.

தொடர்ந்து சுடான், ருமேனியா, நேபாளம், பெலாரஸ், மியான்மார், ரஷ்யா, மால்டோவா போன்ற நாடுகள் மலிவான இணையச் சேவைகளை வழங்கி, டாப் 10 பட்டியலில் இடம்பெற்றுள்ளன.

இதற்குப் பிரதியாக, சில முன்னேற்ற நாடுகள் இணையத்திற்கு அதிக விலையை வசூலிக்கின்றன.

உதாரணமாக, அமெரிக்கா, கனடா, ஸ்விட்சர்லாந்து, நோர்வே போன்ற நாடுகளில் மாதாந்திர இணையச் சேவைக்கான கட்டணங்கள் உலக சராசரியை விட அதிகமாக உள்ளது.

இந்நாடுகளில் சேவையின் தரம் மேம்பட்டதாக இருந்தாலும், விலைகள் பொதுமக்களுக்குக் கனமாகவே கருதப்படுகின்றன.

இணையச் சேவையின் விலை குறைவு ஒரு நாட்டின் தகவல் தொழில்நுட்ப வளர்ச்சிக்கும், மக்கள் ஆன்லைன் கல்வி மற்றும் வணிகத்தில் ஈடுபடுவதற்கும் முக்கிய பங்கு வகிக்கிறது.

மலிவான இணையம் ஒரு நாட்டின் பொருளாதார வளர்ச்சிக்கும், உலகளாவிய போட்டித் திறனுக்கும் பெரிதும் துணை செய்கிறது.