இலங்கைத் தமிழர்களுக்கு குரல் கொடுக்க வேண்டும் – விஜய்

தமிழக வெற்றி கழக (TVK) தலைவர் விஜய், சனிக்கிழமை நடைபெற்ற தேர்தல் பிரசார கூட்டத்தில் இலங்கைத் தமிழர் பிரச்சினையை மீண்டும் எடுத்துக் கொண்டு, ஈழத்தமிழர்களை பாராட்டினார்.

முன்னாள் இந்திய பிரதமர் ராஜீவ் காந்தி படுகொலைக்கு மூளையாகக் கருதப்படும் பிரபாகரன் குறித்து பேசும்போது, இலங்கைத் தமிழர்களுக்கு அவர் தாய்மை காட்டியவர் என்று விஜய் குறிப்பிட்டார்.

தமிழகத்தில் குறிப்பாக நாகப்பட்டினம் உள்ளிட்ட கடற்கரை பகுதிகளில் வாழும் மீனவர்கள் மத்தியில் இலங்கைத் தமிழர் பிரச்சினை உணர்ச்சி பூர்வமாகக் காணப்படுகிறது.

நாகப்பட்டினத்தில் பொதுமக்களைச் சந்தித்த விஜய், “அதே நேரத்தில், நம் தாய்ப்பால் உறவான ஈழத் தமிழர்கள் இலங்கையிலும் உலகின் எங்கும் இருந்தாலும், தாய்மையோடு அன்பு காட்டிய தலைவரை இழந்து துன்பப்படுகின்றனர். அவர்களுக்காக குரல் கொடுப்பது நமது கடமை” எனக் கூறினார்.

இது முதல் முறையல்ல, விஜய் இலங்கைத் தமிழர்களுக்கு தனது ஆதரவை வெளிப்படுத்துவது. 2008-ல், இலங்கையில் தமிழர்கள் கொல்லப்பட்டதை எதிர்த்து, அவர் சென்னையில் நடந்த உண்ணாவிரத போராட்டத்தில் கலந்து கொண்டிருந்தார்.

விஜய், தமிழக மீனவர்களின் பிரச்சினைகளுக்கு தீர்வு காண்பதும் தனது கட்சியின் முக்கிய முன்னுரிமை என வலியுறுத்தினார்.

“மீனவர்கள் பிரச்சினை குறித்து நீண்ட கடிதம் எழுதிவிட்டு மவுனமாக இருப்பது போல நாம் இல்லை. மீனவர்களின் பிரச்சினைக்கு தீர்வு காண்பது எங்கள் முக்கிய திட்டங்களில் ஒன்றாகும்” என அவர் மு.க. ஸ்டாலின் தலைமையிலான திமுக அரசைக் குறிவைத்து தாக்குதல் நடத்தியார்.

“மீனவர்களின் உயிர்கள் எங்களுக்கு முக்கியம். அதேபோலவே, ஈழத் தமிழர்களின் கனவுகளும், வாழ்வுகளும் எங்களுக்கு முக்கியம்,” என்று அவர் வலியுறுத்தினார்.

மேலும், “இலங்கை கடற்படையினர் எதற்காக நம் மீனவர்களைத் தாக்குகின்றனர், அதற்கான தீர்வுகள் என்ன என்பதை மதுரை மாநாட்டில் நான் பேசியிருந்தேன். மீனவர்களுடன் நிற்பது என் கடமை” என்றும் விஜய் தெரிவித்தார்.