மாதவிடாய் சுழற்சிக்கு ஏற்ற உணவு எவை தெரியுமா?

பெண்களின் உடலில் மாதவிடாய் சுழற்சி மிகவும் முக்கியமான இயற்கையான செயல்முறையாகும்.

ஆனால் சுழற்சியின் ஒவ்வொரு கட்டத்திலும் உடலில் பல்வேறு ஹார்மோன் மாற்றங்கள் ஏற்படும்.

அந்த மாற்றங்களை சமாளித்து உடலை ஆரோக்கியமாக வைத்திருக்க சரியான உணவு பழக்கவழக்கங்கள் மிக முக்கியமானவை.

ஒவ்வொரு கட்டத்திற்கும் ஏற்ற உணவுகளை எடுத்துக்கொள்வதன் மூலம் சோர்வு குறையவும், மனநிலையை கட்டுப்படுத்தவும், உடலுக்கு தேவையான சத்துக்களை வழங்கவும் முடியும்.

முதலில் மாதவிடாய் நாட்கள் (Day 1–5) போது, இரத்த சோகை ஏற்படும் வாய்ப்பு அதிகமாக இருக்கும். இந்த நேரத்தில் இரும்புச்சத்து (iron) நிறைந்த கீரை வகைகள், முளைக்கட்டிய பயறு, மாதுளை, பேரிச்சம்பழம் போன்றவற்றை சாப்பிடுவது நல்லது. இது சோர்வை குறைத்து உடலுக்கு சக்தி அளிக்கும்.

Follicular கட்டம் (Day 6–14)ல், உடலில் எஸ்ட்ரஜன் அளவு அதிகரிக்கத் தொடங்கும். இந்த நிலையில் புது பழங்கள், காய்கறிகள், புரதம் நிறைந்த உணவுகள், முட்டை, பருப்பு வகைகள், பச்சை காய்கறிகள் சாப்பிடுவது நல்லது. இது எரிசக்தி மற்றும் கவனத்தை அதிகரிக்க உதவும்.

Ovulation கட்டம் (Day 15–17)ல், உடல் அதிக செயல்பாட்டுடன் இருக்கும். இந்த கட்டத்தில் சிங்க் (Zinc) மற்றும் வைட்டமின் பி (Vitamin B) நிறைந்த பருப்பு, கீரை, பரங்கிக்காய் விதைகள், குறைந்த கொழுப்பு கொண்ட தயிர் போன்றவை சாப்பிட பரிந்துரைக்கப்படுகிறது. இது ஹார்மோன்களை சமநிலையில் வைத்திருக்க உதவும்.

Luteal கட்டம் (Day 18–28)ல், பெண்களுக்கு மனஅழுத்தம், சீற்றம், சோர்வு போன்ற PMS அறிகுறிகள் ஏற்படும். இந்த நேரத்தில் மக்னீஷியம் நிறைந்த வாழைப்பழம், வால்நட், பாதாம், கருப்பு சாக்லேட், பால் போன்றவை சாப்பிடுவது மனநிலையை சீராக வைக்க உதவும்.

மொத்தத்தில், மாதவிடாய் சுழற்சியின் ஒவ்வொரு கட்டத்திலும் சரியான உணவுகளை சாப்பிடுவதன் மூலம் பெண்கள் உடல் நலத்தையும் மனநலத்தையும் மேம்படுத்திக் கொள்ள முடியும்.

இது இயற்கையான ஹார்மோன் மாற்றங்களை சமாளிக்க உதவும் ஆரோக்கியமான வழி என்று மருத்துவர்கள் பரிந்துரைக்கிறார்கள்.