ஆப்பிள்களில் ஏன் ஸ்டிக்கர் ஒட்டப்படுகின்றது தெரியுமா?

நாம் சந்தையில் பழங்களை வாங்கும் போது, குறிப்பாக ஆப்பிள்கள், ஆரஞ்சுகள் போன்ற பழங்களில் ஒரு சிறிய ஸ்டிக்கர் ஒட்டப்பட்டிருப்பதைப் பார்க்கிறோம். அது வெறும் அழகுக்காகவோ அல்லது விலை குறிக்கவேயோ அல்ல. உண்மையில் அந்த ஸ்டிக்கர், அந்த பழத்தின் வளர்ச்சி முறை மற்றும் அதன் தரம் குறித்த முக்கியமான தகவலை நமக்குத் தெரிவிக்கிறது.

பெரும்பாலானோர் இதை ஒரு வியாபாரக் கேமிக்கேல் என்றும், சிலர் அது பழத்தை உயர்த்தும் ஒரு விளம்பர யுக்தி என்றும் எண்ணுகிறார்கள். ஆனால் உண்மையை தெரிந்து கொண்டால், இனிமேல் ஸ்டிக்கரைப் பார்ப்பதையே பழம் வாங்குவதற்கான முதல் அடியாக மாற்றுவீர்கள்!



அந்த ஸ்டிக்கரில் என்ன இருக்கிறது?

அந்த ஸ்டிக்கரில் PLU (Price Look-Up) குறியீடு என்பதைக் காணலாம். இது 4 அல்லது 5 இலக்க எண்களைக் கொண்டிருக்கும். அந்த எண்கள், பழம் எந்த முறையில் விளைந்தது, அது இயற்கையா, மரபணு மாற்றமா, அல்லது ரசாயன உபயோகத்துடன் வளர்த்ததா என்பதைக் குறிக்கின்றன.

4 இலக்க எண்கள் (உதா: 4026, 4987):

இந்த எண்கள் பொதுவாக பூச்சிக்கொல்லி மற்றும் ரசாயன உரங்கள் பயன்படுத்தப்பட்ட பழங்களை குறிக்கின்றன. இது சந்தையில் கிடைக்கும் மிக அதிகமான பழ வகையை சேர்ந்தது. விலை மலிவாக இருக்கும். ஆனால் ஆரோக்கியக்கணக்கில் பார்த்தால், குறைந்த தரமாகவே கருதப்படுகிறது. சுத்தம் செய்து சாப்பிட வேண்டியவை.



5 இலக்க எண்கள், 8ல் தொடங்குபவை (உதா: 84131, 86532):

இந்த வகை பழங்கள் மரபணு மாற்றம் செய்யப்பட்டவை (GMO - Genetically Modified Organism) என்பதைக் குறிக்கின்றன. இயற்கையான முறையில் வளர்க்கப்படவில்லை. ஆனால் பூச்சிக்கொல்லி மருந்துகள் நேரடியாகப் பயன்படுத்தப்படாமல், மரபணுவில் மாற்றங்கள் செய்யப்பட்டு அதிக மகசூல் பெறும் விதமாக உருவாக்கப்படுகின்றன. விலை சற்று அதிகமாக இருக்கலாம்.



5 இலக்க எண்கள், 9ல் தொடங்குபவை (உதா: 93435):

இவை தான் மிகவும் பாதுகாப்பான, இயற்கை முறையில் விளைந்த பழங்கள். எந்தவொரு ரசாயனத்தையும், பூச்சிக்கொல்லி மருந்துகளையும் பயன்படுத்தாமல் விவசாயம் செய்யப்பட்டவை. ஆனாலும் விலை உயர்ந்திருக்கலாம். ஆனால் ஆரோக்கியம் மிகுந்தது. இந்த வகை பழங்களை குழந்தைகள் முதல் பெரியவர்கள் வரை நம்பிக்கையுடன் சாப்பிடலாம்.

இனிமேல் பழங்களை வாங்கும் போது, அதன் வண்ணத்தை மட்டும் அல்ல, ஸ்டிக்கரில் உள்ள குறியீடுகளையும் கவனியுங்கள். அந்த எண்கள் உங்கள் ஆரோக்கியத்தின் மீது நேரடி தாக்கம் செலுத்தக்கூடியவை. மேலும், வியாபாரிகள் ஒட்டும் எதையாவது ஸ்டிக்கர் என்று ஏற்றுக்கொள்வதற்குப் பதிலாக, PLU குறியீடு உள்ளதா என்பதை கவனித்துப் பாருங்கள். உணவிலும் அறிவும் ஒன்றாக இருக்கும்போது தான் நம் வாழ்க்கை முழுமையாக பாதுகாப்பாக இருக்கும்.