சார்ஜர்கள் ஏன் பெரும்பாலும் வெள்ளை நிறம்?

இன்றைய காலத்தில் யாருடைய கைகளிலும் ஸ்மார்ட்போன் இல்லாமல் வாழ்க்கையை கற்பனை செய்வதே கடினம்.

ஆனால், அந்த போனுடன் வரும் சார்ஜரை கவனித்திருக்கிறீர்களா? பெரும்பாலான நிறுவனங்கள் தங்கள் சார்ஜர்களை வெள்ளை நிறத்தில் தான் அறிமுகப்படுத்துகின்றன.

சில பிராண்டுகள் மட்டுமே கருப்பு அல்லது வேறு நிறங்களை பயன்படுத்துகின்றன. இதற்கான காரணங்கள் பல உள்ளன.

முதலாவது, வெள்ளை நிறம் பிரீமியம் தோற்றத்தை தருகிறது. தூரத்திலிருந்தே பளபளப்பாக தெரியும் என்பதால், உயர்தரமான தயாரிப்பு எனும் எண்ணத்தை வாடிக்கையாளர்களுக்கு தருகிறது. ஆப்பிள் போன்ற பல முன்னணி நிறுவனங்கள் இதை ஒரு அடையாளமாகவே வைத்திருக்கின்றன.

அடுத்ததாக, வெள்ளை நிறத்தில் அழுக்கு அல்லது கீறல்கள் உடனே தெரிந்து விடும். இதனால் பயனர் அதை சுத்தமாக வைத்துக்கொள்ள முயற்சிப்பார். ஆனால் கருப்பு அல்லது அடர் நிற சார்ஜர்களில் மாசு எளிதில் மறைந்து விடும், அதனால் மக்கள் கவனிக்காமல் பயன்படுத்தி விடுவர்.

மேலும், வெள்ளை நிற பிளாஸ்டிக்கை தயாரிப்பது சுலபமும் மலிவுமாகும். கூடுதல் நிறங்களை கலக்க வேண்டிய அவசியம் இல்லாமல் இருப்பதால், பெருமளவில் உற்பத்தி செய்வதும் எளிது, செலவும் குறையும்.

மற்றொரு முக்கிய காரணம், வெள்ளை நிறம் வெப்பத்தை அதிகம் உறிஞ்சாது. சார்ஜர்கள் பயன்படுத்தும்போது வெப்பம் உண்டாகும், ஆனால் வெள்ளை நிறம் சார்ஜரை ஓரளவுக்கு குளிர்ச்சியாக வைத்திருக்க உதவுகிறது. இதனால் சார்ஜரின் ஆயுட்காலமும் அதிகரிக்கிறது.

இன்னும் சில பிராண்டுகள் தற்போது கருப்பு மற்றும் பல வண்ணங்களில் சார்ஜர்களை அறிமுகப்படுத்தி வருகின்றன.

ஆனாலும், பெரும்பாலான நிறுவனங்கள் இன்னும் வெள்ளை நிறத்தையே முன்னுரிமையாகக் கொள்கின்றன, அதற்கான காரணங்களே இவை.