
IND vs SL: இந்திய அணியில் இளம் வீரர்களுக்கு வாய்ப்பு.. பும்ரா விளையாடுவாரா?
இலங்கை அணிக்கு எதிரான இரண்டு போட்டிகள் கொண்ட டெஸ்ட் தொடருக்கான 15 பேர் கொண்ட இந்திய அணியை BCCI அதிகாரப்பூர்வமாக அறிவித்துள்ளது.
சுப்மன் கில் அணியின் கேப்டனாகவும், கே.எல். ராகுல் துணை கேப்டனாகவும் நியமிக்கப்பட்டுள்ளனர்.
இந்த தொடரில் நட்சத்திர வேகப்பந்து வீச்சாளர் ஜஸ்பிரித் பும்ரா மற்றும் இளம் பேட்ஸ்மேன் சாய் சுதர்சன் மீண்டும் அணிக்கு திரும்பியுள்ளனர்.
இருப்பினும், அவர்கள் இருவரும் இறுதி அணியில் விளையாடுவது பெங்களூருவில் உள்ள BCCI Centre of Excellence (CoE) வழங்கும் உடற்தகுதி அனுமதியைப் பொறுத்தே இருக்கும்.

பேட்டிங் வரிசையில் யஷஸ்வி ஜெய்ஸ்வால், தேவ்தத் படிக்கல், ரிஷப் பந்த், துருவ் ஜூரல் ஆகியோர் இடம்பிடித்துள்ளனர். பந்துவீச்சில் முகமது சிராஜ், பிரசித் கிருஷ்ணா, குர்னூர் பிரார், சுழற்பந்தில் ரவீந்திர ஜடேஜா, குல்தீப் யாதவ், மானவ் சுதார் ஆகியோர் இடம்பெற்றுள்ளனர்.
தொடைத்தசை காயம் காரணமாக வாஷிங்டன் சுந்தர் அணியில் இடம்பெறவில்லை. அவருக்குப் பதிலாக உள்ளூர் கிரிக்கெட்டில் தொடர்ந்து சிறப்பாக விளையாடி வரும் சரன்ஷ் ஜெயின் முதல் முறையாக டெஸ்ட் அணியில் வாய்ப்பு பெற்றுள்ளார்.
இந்தியா மற்றும் இலங்கை அணிகளுக்கு இடையிலான முதல் டெஸ்ட் போட்டி ஆகஸ்ட் 15 அன்று தொடங்குகிறது. அதற்கு முன், இலங்கை சூழலுக்கு பழகும் வகையில் இந்திய அணி கொழும்பில் நான்கு நாள் பயிற்சி ஆட்டத்தில் பங்கேற்க உள்ளது.

இந்திய டெஸ்ட் அணி:
சுப்மன் கில் (கேப்டன்), கே.எல். ராகுல் (துணை கேப்டன்), யஷஸ்வி ஜெய்ஸ்வால், ரிஷப் பந்த், சாய் சுதர்சன், துருவ் ஜூரல், ரவீந்திர ஜடேஜா, குல்தீப் யாதவ், மானவ் சுதார், ஜஸ்பிரித் பும்ரா, முகமது சிராஜ், பிரசித் கிருஷ்ணா, குர்னூர் பிரார், தேவ்தத் படிக்கல், சரன்ஷ் ஜெயின்.


